反正今日咁早出門 (8點半呀!!!), 我地先行去戰神公園 (Parc du Champs de Mars) 同巴黎鐵塔講聲 Bonjour 先, 不過, 因為時間尚早, d 霧氣未散, 所以影出o黎o既鐵塔唔夠靚喇.
影完鐵塔, 我地行埋去附近o既傷兵院, 影下個門口,
跟住就打算沿河邊行去羅浮宮喇. 點知, 中途又迷o左少少路, 方向o岩, 但係成日轉錯入d橫街. 不過, 都幾得意o既, 可以行下d小街, 幾好feel 丫......
(真係好鬼鍾意Paris 呢d 街仔!!)
(俾人偷影o左!)
(晨早流流, 沿住塞納河散步, 真係好寫意!!!)
終於去到羅浮宮o既門口喇. 同樣地好多人呀, 不過, 今日就好好彩, 有Pass 真係可以唔駛排長龍喇, 唔駛好似尋日咁.
放低d比較重o既o野, 同埋外套o向cloak room, 就開始行喇.羅浮宮四圍都係寶, 由邊part 開始先好呢???? 不如就試下跟住旅遊書介紹o既名畫同雕塑. 一去到舉世知名o既蒙羅麗莎的微笑o既時候, 真係人迫到傻o架. 唉, 見到有幾個超爆無禮貌o既強國人民, 頓時無晒癮呀!!!!雖然人多, 但係絕大部份o既人都好守規矩, 好有禮貌, 自己睇完畫, 或者影完相就會行返後面. 俾機會後面o既人行上前欣賞. 點知, 有個男人係咁樣由後面推人, 要上前霸位, 真係好討厭. 我同小倫見到身邊其他遊客對佢都為之側目, 於是, 我地兩個睇完亦都好快走, 覺得好瘀呀!!!!
行到半路, 發覺唔見o左條相機繩o既一半呀......wuwuww
好唔開心呀!!!!我好鍾意呢條相機繩o架嘛.......好明顯係自己唔小心, 條相機繩起初係縛住o個手袋度, 一定係自己縛得唔緊, 所以鬆o左都唔知, 真黑仔.
(有相為証, 坐o向度抖緊氣o既時候, 明明仲有o架!!!)
睇下畫, 又睇下雕塑, 即使已經逗留o左 4 個鐘, 但係都能夠沖沖將羅浮宮行個圈咋, 地方太大, 時間太短, 點都睇唔完.
到我地離開圖羅浮宮o既時候, 門口依然有好多人排隊, 近羅浮宮呢個叫小凱旋門, 同大凱旋門係成一直線o既, 而我地o既目標就係由呢度行去凱旋門.
今日lunch, 我地只係簡簡單單咁食個包就算數. 繼續我地緊密o既行程喇. 我地沿住杜樂麗公園 (Jardin des Tuileries) 向香榭麗舍大道 (Avenue des Champs-Elysees) 行, 經過協和廣場. 協和廣場就係當年French Revolution 時 路易十六同瑪麗皇后被送上斷頭台o既地方. 家下呢度, 四圍都係人, 相信當年o黎呢度睇熱鬧o既人一定比依家再多好多呀!!
咪講笑, 就咁行下, 都真係幾遠o架, 好在一邊行一邊睇下o野咋. 行到協和廣場, 我地就轉入去Avenue Montaigne, 行下Gucci Flagship store, 可惜裝修緊, 附近另一分店, 又無乜袋款. 睇o左幾眼就閃人lu.
終於都到o左最多人行o既Avenue des Champs-Elysees 喇. 呢度真係好似香港o既彌敦道, 一場o黎到, 點少得去拜會下LV 啦!!! 哈, 又話要排長龍, 我地去到, 前面得3面人咋, 所以等o左唔駛5分鐘就到我地喇. 呢度比起廣東道o個間LV 細d, 不過, 人迫o既程度不遑多讓呀!!! 雖則未至於要搶o既情況, 但係, 都要手快有, 手慢無. 聽人講, 話今日係星期一, 返o左貨, 但係好多hit o既款都已經賣晒喇. 招呼我地o既sales 係一個法國女仔, 當然我地係用英文溝通啦. 佢o既招待都算殷勤, 仲幾好笑容o添. 佢仲問我地係唔係日本人喎. 乜我地似咩??!! o向搞緊tax refund o既時候, 都不停同我地傾計, 按佢解釋, 如果o向法國境內買LV, 係有quota o既, 如果想再買, 可以去英國o既時候先再買喎......傻o既咩, 我又唔係走水貨返香港賣. 最後, 拎住兩大袋就走人lu....繼續我地緊密o既行程. 嘩, 到我地行出去o既時候, 要排長龍喇...... 我地真係好彩喇!!!
影完鐵塔, 我地行埋去附近o既傷兵院, 影下個門口,
跟住就打算沿河邊行去羅浮宮喇. 點知, 中途又迷o左少少路, 方向o岩, 但係成日轉錯入d橫街. 不過, 都幾得意o既, 可以行下d小街, 幾好feel 丫......
(真係好鬼鍾意Paris 呢d 街仔!!)
(俾人偷影o左!)
(晨早流流, 沿住塞納河散步, 真係好寫意!!!)
終於去到羅浮宮o既門口喇. 同樣地好多人呀, 不過, 今日就好好彩, 有Pass 真係可以唔駛排長龍喇, 唔駛好似尋日咁.
放低d比較重o既o野, 同埋外套o向cloak room, 就開始行喇.羅浮宮四圍都係寶, 由邊part 開始先好呢???? 不如就試下跟住旅遊書介紹o既名畫同雕塑. 一去到舉世知名o既蒙羅麗莎的微笑o既時候, 真係人迫到傻o架. 唉, 見到有幾個超爆無禮貌o既強國人民, 頓時無晒癮呀!!!!雖然人多, 但係絕大部份o既人都好守規矩, 好有禮貌, 自己睇完畫, 或者影完相就會行返後面. 俾機會後面o既人行上前欣賞. 點知, 有個男人係咁樣由後面推人, 要上前霸位, 真係好討厭. 我同小倫見到身邊其他遊客對佢都為之側目, 於是, 我地兩個睇完亦都好快走, 覺得好瘀呀!!!!
行到半路, 發覺唔見o左條相機繩o既一半呀......wuwuww
好唔開心呀!!!!我好鍾意呢條相機繩o架嘛.......好明顯係自己唔小心, 條相機繩起初係縛住o個手袋度, 一定係自己縛得唔緊, 所以鬆o左都唔知, 真黑仔.(有相為証, 坐o向度抖緊氣o既時候, 明明仲有o架!!!)
睇下畫, 又睇下雕塑, 即使已經逗留o左 4 個鐘, 但係都能夠沖沖將羅浮宮行個圈咋, 地方太大, 時間太短, 點都睇唔完.
到我地離開圖羅浮宮o既時候, 門口依然有好多人排隊, 近羅浮宮呢個叫小凱旋門, 同大凱旋門係成一直線o既, 而我地o既目標就係由呢度行去凱旋門.
今日lunch, 我地只係簡簡單單咁食個包就算數. 繼續我地緊密o既行程喇. 我地沿住杜樂麗公園 (Jardin des Tuileries) 向香榭麗舍大道 (Avenue des Champs-Elysees) 行, 經過協和廣場. 協和廣場就係當年French Revolution 時 路易十六同瑪麗皇后被送上斷頭台o既地方. 家下呢度, 四圍都係人, 相信當年o黎呢度睇熱鬧o既人一定比依家再多好多呀!!
咪講笑, 就咁行下, 都真係幾遠o架, 好在一邊行一邊睇下o野咋. 行到協和廣場, 我地就轉入去Avenue Montaigne, 行下Gucci Flagship store, 可惜裝修緊, 附近另一分店, 又無乜袋款. 睇o左幾眼就閃人lu.
終於都到o左最多人行o既Avenue des Champs-Elysees 喇. 呢度真係好似香港o既彌敦道, 一場o黎到, 點少得去拜會下LV 啦!!! 哈, 又話要排長龍, 我地去到, 前面得3面人咋, 所以等o左唔駛5分鐘就到我地喇. 呢度比起廣東道o個間LV 細d, 不過, 人迫o既程度不遑多讓呀!!! 雖則未至於要搶o既情況, 但係, 都要手快有, 手慢無. 聽人講, 話今日係星期一, 返o左貨, 但係好多hit o既款都已經賣晒喇. 招呼我地o既sales 係一個法國女仔, 當然我地係用英文溝通啦. 佢o既招待都算殷勤, 仲幾好笑容o添. 佢仲問我地係唔係日本人喎. 乜我地似咩??!! o向搞緊tax refund o既時候, 都不停同我地傾計, 按佢解釋, 如果o向法國境內買LV, 係有quota o既, 如果想再買, 可以去英國o既時候先再買喎......傻o既咩, 我又唔係走水貨返香港賣. 最後, 拎住兩大袋就走人lu....繼續我地緊密o既行程. 嘩, 到我地行出去o既時候, 要排長龍喇...... 我地真係好彩喇!!!
沒有留言:
張貼留言