梳洗完, 我地就沖尋晚o向Albert Heijn 買o既cup soup 做早餐, 一人一杯, 加多條麵包, 對於我地平時唔多食早餐o黎講, 呢個份量都夠飽. 呢間cheap cheap 4星酒店有個好處, 就係房內有kettle, 之前聽過有d 人講, 話歐洲酒店無kettle, 要自己帶cookset 去, 但係我地已經有太多o野帶喇, 亦都唔想再o徙錢買一套cookset 或者kettle返o黎只為一個trip. 另外, 房門外, 每層都有冰機, 我地飲果汁可以出去拎一杯冰返o黎自己加.
今日我地第一站係去行市集 – Albert Cuyp Market, 由於經我地酒店o既tram 2 唔可以直接去到, 所以我地去返尋日經過過o既Hobbemstraat 落車. 見時間尚早, 比較少人, 我地即刻去landmark – I am sterdam 補影下相先.
玩夠, 就繼續行搵路喇. 一邊睇地圖, 一邊慢慢行下河邊, 感覺好舒服, 好爽. 平時o向香港, 邊有咁好閒情逸緻散步丫.
行o左十幾分鐘啦, 就見到Albert Cuyp Market. 呢到其實有d 似我地o既花園街, 成個市場係一條長o既街, 乜檔仔都有, 花, 蔬菜, 生果, 芝士, 熟食, 日用品. 話說呢個market 已經有100年歷史, 係荷蘭最大o既露天市場. 可能依家時間都仲係早, 有d 檔都仲開緊, 所以人唔算太多, 行得好舒服.
原本我地都唔肚餓, 但係見到有一檔賣燒雞o既, 好吸引, 小倫望到流晒口水, 話要試下喎. 好啦, 一於試下啦. 半隻雞都只係EUR 2.5, 果然market 買o野係平過supermarket 好多. 哈, 個老闆唔知係唔係好得閒呢, 見我地o向度左影右影, 竟然行出o黎幫我地影合照喎, 仲話影一張唔夠, 要影多兩張, 影埋佢個烤爐o添, 認真搞鬼.
企o向街邊食飽飽後, 我地向下一站出發. 就係我o黎荷蘭除o左尋找風車之外, 另一個目的 – 尋找Miffy 喇. 好多人都以為Miffy 係日本妹, 錯錯錯, 其實Miffy 係祖籍荷蘭o架, o向Urchect 有佢o既博物館o添, 只不過唔知點解d 日本妹咁鍾意佢, 捧紅o左佢. 不過因為遠, 同時間不足, 所以我地只係到下o向Amsterdam o既Miffy 專門店. 全Amsterdam 只此一家o架咋, Miffy 專門店o向荷蘭叫做 De Winkel van Nijntje.
為o左慳返d 腳骨力, 原本由Albert Cuyp Market 行去miffy shop 只係15分鐘o者. 不過, 反正買o左任搭pass, 咪坐 tram 24 去鑄幣塔(Munttoren) 再轉tram 25 囉. 起初,一切都好順利o既, 好快就到.
由Albert Cuypstraat 到Munplein 之嘛. 點知, 因為我懞盛盛, 原先企o岩車站o既方向, 突然又覺得自己揀錯方向, 於是來去對面再等過車啦. 見到o岩方向o既tram 25 時, 先知道自己錯o左. 點知, 錯有錯著, 就係咁, 戇居居等車之際, 見到Agnes B shop 喎. 難得見到B仔, 梗係要入去巡下舖啦. 睇下有無斬獲都好丫嘛. 小倫o向facebook 話要帶個B 仔返香港其實就係講呢個B仔之嘛, 點知d 人以為我地講真o既BB 喎, 真係天真喇. 我又點會咁無聊丫, 唔通話俾人知, 個BB o向歐洲”造”o既, 會威d 咩….sorry, 我唔覺, 只覺得咁o既諗法好低能.
終於, 終於, 都去到Miffy 專門店喇…舖仔細細, 但係樣樣o野都有得賣, 例如, 書啦, postcard, 公仔, BB 用品, 玩具, 相簿, 衫仔咁. 好趣緻, 好想買呀!!!我d 購物慾又發作喇. 但係, 我一定要好好control 自己, 我地o既旅程o岩o岩先開始, 唔可以咁快就買咁多o野o既, 而且, 講明今次唔係shopping 團, 唔可以亂咁買埋d 無謂o野, 所以, 係咁易買o左少少就走lu….
跟住, 再坐tram 25 去Centraal Station 繼續我地今日o既行程喇. 沿途仲經過我地曾經想book o既呢一間酒店, Hotel V Frederiksplein, 呢間酒店算新淨o架, 距離city centre 唔算太近, 不過點都近過我地依家o個間, 當然價錢就貴過我地啦. Frankly speaking, 如果嫌我地o個間太遠, 呢間真係唔錯, 價錢合理.
又再去返Centraal Station已經一點鐘喇, 但係又未肚餓喎, 可能我地個胃仲jet-lag 緊啦, 唔曉俾signal 我地, 所以, 我地趁仲有時間, 再遊多一次船河, 反正都俾o左錢, 有限24小時o既. 今次, 我地坐 Blue Line, 行o既路線會同尋日o既Orange Line 有d 唔同, 睇o既o野都唔同o架. o向等船期間, 又再四圍影下相. 哈, 成船人最young 就係我地兩個同埋揸船o既哥哥仔喇. 一睇佢個款就知佢係hea 做啦. 懶懶閒咁. 每去到一個stop就問有無人落船, 如果無人落船, 就會話Perfect! 所以, 我地到達每個stop o既時候都比schedule 上o既早o左.
(左:其實佢份工都幾爽, 又唔辛苦, hea 下hea下又一日
右: 我趁未開船, 去扮下O野先!! :P)
(哈, 竟然有隻荷蘭版珍寶海鮮坊喎!!!)
最後, 我地去到Gassan Diamonds落船喇. 根據資料記載, 話呢間工廠係歐洲最古老o既蒸氣研磨工廠, 有一百年歷史. 我好有期待啦…..點知……..唉……頓時覺得自己好似自由行去o左紅磡, 土瓜灣. 不過, 呢度勝在好好service, d 人真係會對住你笑o既. 即使我地只有兩個人, 都搵一個識講廣東話o既guide 帶我地去睇下所謂o既工場. 去到工場, 都只有兩個打磨師傅, 講下點樣打磨一粒鑽石, 由一d 都唔閃, 到佢地呢間公司專利o既121個切割面. 不過, 全程連講解都唔夠5分鐘. 之後就帶我地去一間房, 話俾d 石我地睇, 車…..好明顯個guide都係hea 我地啦, 拎o左幾粒三十幾份o既石俾我地睇, d 色又唔靚喎, 只係H colour / I colour, o向香港我都唔會買呢個grade o既colour 啦, 更何況o向呢機, 價錢亦都唔o岩, 貴到呢…..我地即刻話, 早知拎我粒細石o黎賣啦, 咁值錢, 我o個粒係D colour o黎o架. 個guide 再俾多兩粒大少少o既石我地睇, 但係, 都打動唔到我地啦.
運完吉, 我地o向呢區四圍行下喇. 點知, 唔打唔撞, 就行到去另一個flea market, 叫做Waterlooplein flea market. 呢度以前係傳統猶太人o既市場, 專賣日常用品o既, 時至今日, 就係一個secondhand market. 可能因為呢度主打係賣second-hand o既衫褲鞋襪啦, 所以d o野望睇去都殘殘舊舊, 見到都唔開胃咁. 望o左兩望叫做行完就走lu. 好有香港鴨寮街feel.
都係影下相開心d. 行呢d街都係唔多o岩我o架喇…o黎到聲稱阿姆斯特丹最漂亮o既橋 – 藍橋 (Blauw Brug). 加上有陽光, 又真係幾靚喎.
原本我地想再行耐少少, 但係唔知點解, 耳水不平衡突然發作, 個人唔係好舒服, 所以就行去附近最近O既canal bus 其中一個碼頭, 咁O岩又見到我地今日o個個hea王揸船o既哥哥仔, 雖然我地張pass o岩o岩過o左24 小時,我地扮晒friend 咁, say 聲hi, 又上船喇. 都話佢hea o架啦. 咁樣我地又可以側側膊上船, 行少幾步, 唔駛四圍搵tram-stop返去Centraal Station.
沒有留言:
張貼留言