放血呀!!!!

唔記得究竟係HKBN 定係NOW TV喇, 話說某年某日小倫收到張sogo $100 coupon, 好乖o既小倫, 就梗係唔會落格, 一定會上緻中央, 即係我啦....

張coupon 到o左2011年1月就會到期, 所以, 我地今晚終於"的"起心肝, 放工後去o左尖沙咀sogo. 買乜好呢???



我地決定o左去SKII 買支神仙水急救下我o既皮膚呀!!!唔知點解, 近呢兩個月, 出o左好多好多瘡呀!!!!晚晚做mask 都好似幫助唔大, 所以, 一於買支神仙水打救自己啦. 我唔想去到旅行都繼續爆瘡, 影唔到d 靚相, o徙晒機票錢呀!!! (嘻嘻, 無錯, 人地去歐洲為o左shopping, 買名牌, 我地去歐洲只係為o左影靚相咋!!!超無聊 :P)

原先, 只係打算少少地買支75ml o既就收手啦. 點知, 有d 唔同o既set promotion 喎, 左計右計, 都覺得買支最大支特別版250ml 最抵呀!!!

就係因為呢一個抵字, 我所剩無幾o既血, 就咁俾SKII 放晒喇!!!!!幾時都話, 女人錢真易賺, 中女錢仲易!!!!