原來世界真係細喎.....

得閒睇下Kathy 個blog, 見到佢最近做朋友婚宴o既mc 喎, 梗係留心d 睇下啦...

好奇怪喎, 個新娘o既中文名叫"真真" 喎, 原本都無乜特別o架, 點解, 再望下d 相, 發覺個女仔o既英文名又叫做"Ruby", 咦, 咁似我以前一份工個reception妹妹個名o既?

咁我梗係要落足眼力睇清楚d 相先, 又真係幾似喎....

於是, 趁今日唔駛返工, 咁得閒, 就msn 問下Kathy 先....嘩, 不得了....真係我識得o個個真真o黎o架.....仲有, 原本Kathy 同我都係做過同一間公司o架....只不過係時間唔同, 佢早我三個月, 佢走o左之後, 我先去做, 不過, 我都做唔長, 捱o左半年, 就走人lu....

呢個世界真係咁細? 定係我地咁有緣呢, 咁都撞得返喎.....

真係要搵個時候, 三個一齊出黎食下飯先得喇.....