2011 生日曼谷自由行 - 準備篇

舊年生日之旅已經想去曼谷行下o架喇! 千祈唔好笑我, 呢個大部份香港人去到熟晒O既地方, 我竟然一次都未去過, 正一大鄉里!! 點知, 遇著紅衫軍, 唯有避o左佢地, 將目的地轉為東京啦.

話說, 3月O既時候, 國泰話乜o野慶祝航空100週年喎, 推出特價機票, 我地心目中o既首選墾丁並不呢次推廣o既目標, 可以揀o左, 只有曼谷o向我地心水, 於是, 就乜都唔理, 半夜三更匿O向電腦前面 book o左機票先啦.

機票已經有喇, 跟住就到煩惱O既酒店喇......需知道曼谷O既酒店多的是, 但係點揀好呢.......點揀好呢........住酒店定係好似人地咁住service apartment好呢????於是努力上網搵下資料又問下人啦.....不時又要去travelzoo睇下有無筍o既promotion咁.............

經過一番努力, 得出O既結果係, 住Siam區會比較方便, 行街食O野都有齊晒. 縮窄範圍之後, 就要shortlist一D 心儀O既酒店喇. 由於我地今次呢個trip 係同埋阿媽一齊去, 所以三人房O既選擇真係唔多. 而我偏向想住新D O既酒店, 最好facilities 比較完善啦, 因為今次想試下舒舒服服享受下悠閒O既感覺.

最後, 終於俾我揀中O既就係舊年2010年年中新開O既Siam Kempinski Hotel Bangkok 喇. 睇相已經吸引住我喇. 不過, 價錢略貴,作為寒底組O既組員, 梗係要落力四圍格下價啦. 果然, 皇天不負有心人, 俾我搵到個好agent, 不但只價錢令我滿意, 而且仲俾到人地book package先有O既o野我O添.

既然萬事俱備, 只欠東風. 一如以往, 我要編排行程喇. 其實今次O既行程好易編, 因為不外乎行街買O野, 同食O野之嘛. 但係, 因為最近公司超級多O野做, 做到我死死下, 令到今次O既旅行行程表做得麻麻地咋.

最後, 都上機前一晚, 終於都print 好部份O既coupon, 地圖同booking email喇.

再戰 macarons - 柚子macaron & 玫瑰 macaron

今晚又手痕, 想再挑戰 macarons, 食飽飽飯之後, 小倫睇波, 我就匿O向廚房埋頭苦幹喇!!
今次重覆整上次上堂學O既柚子味, 同埋自創亂咁整O既玫瑰味.

基本上今次都算成功O左一半, 樣衰O既唔算好多, 有一半以上都有裙邊O既出現, 只不過係厚度方便, 略嫌差少少.

至於味道呢, 柚子味都OK, 下次可以加多少少柚子蜜煮個filling. 但係玫瑰味呢, 我覺得麻麻地, 因為我只係我簡單咁用白朱古力加玫瑰味香油O者, 所以覺得有D artificial o既感覺. 要再努力下, 可惜好難search 到網上有recipe 係教人整中o既餡. 大部份O既blog 都只係post 整macaron , 而唔講俾人知中間點整.

Karen & Simon Wedding

o向Armani 放完血之後, 就要以9秒9o既速度由Lane Crawford 趕去洲際喇....雖然係同區, 但係著住高踭鞋趕路都幾辛苦呀!!鬼叫自己無記性, 唔記得主人家係7:30 註冊, 我仲約7點鐘去化妝喎, 抵死!

好在, 去到儀式仲未開始, 仲有幾分鐘時間食杯紅酒, 食塊朱古力先開始!! :P

嘩, 一坐落覺得好受重視呀!!!估唔到我地呢d 大學同學o既身份都可以坐o向主家席o既後面!
今晚主人家無大排宴席, 只係擺十圍, 但係氣氛搞得唔錯, 唔駛講食物同service 梗係一流啦!!!場地佈置亦都做得好靚, 全場o既鮮花擺設非常出色!!!

Armani 放血記!!!

尋晚放工, 去O左Lane Crawford o既Armani 做 facial, 點解咁豪?
事關小倫妹妹敏敏唔舒服, 俾O左錢但去唔到, 唯有益下佢阿嫂 -- 我. 我份人咁nice, 呢D 幫一定幫啦....哈哈哈....無蝕底...所以, 就算要我等到8點, 都no problem啦!!!
可能係星期五O既關係, 所以Armani 個booth人山人海, D女人買O野好似唔駛錢咁, 一個二個都大袋細袋咁走人......
等O左一陣, 就到我喇. 首先要O向臨時搭建O既房度換衫, 之後就好似平時去美容院做facial 咁, 同你清潔面部, 做下按摩, 敷下mask. 玩O左大約一個鐘, 就完成喇. 當然, 我覺得都做得幾hea 下啦, 但係, 所有products 都係用返佢地sell 緊O既Regenessence, 感覺都幾好O既...

Macaron Cooking Class@Towngas

上個月同LuLu一齊報名去towngas搵阿美少女廚神學整macaron, 我一直都想學整好耐O架喇, 連材料都買埋放O向雪櫃封塵, 但係網上流傳O既recipe太多, 都唔知邊個信得過, 唯有俾錢人賺啦!
課堂6:30pm O向中港城O既towngas avenue上, 所以,一放工就仆到去, 趕頭趕命!

去到, 美少女已經開始O左, 而且仲好似好趕咁, 每個step 都好快手, 又講得好急, 要把握機會問o野呀!