Macaron Cooking Class@Towngas

上個月同LuLu一齊報名去towngas搵阿美少女廚神學整macaron, 我一直都想學整好耐O架喇, 連材料都買埋放O向雪櫃封塵, 但係網上流傳O既recipe太多, 都唔知邊個信得過, 唯有俾錢人賺啦!
課堂6:30pm O向中港城O既towngas avenue上, 所以,一放工就仆到去, 趕頭趕命!

去到, 美少女已經開始O左, 而且仲好似好趕咁, 每個step 都好快手, 又講得好急, 要把握機會問o野呀!

1)首先將d 蛋白同砂糖, tartar 粉放入雪櫃2粒鐘; 跟住快手打到蛋白企身;
2) 跟住加icing sugar 同杏仁粉
3)慢慢同d蛋白搞勻
4) 將d mixture 放入唧袋, 垂直唧
5)事前要畫好晒d 圓圈先, 好在係俾錢去學, 呢d o野有人預備好
6) 最後, 要將d mixture 放30分鐘, 直到個面唔黏手
搞掂就可以入爐喇!
等制成品之際, 美少女又講解點整夾o向macaron 中間o既餡, 今次教整榛子醬同柚子醬.
榛子醬好易整, 只要將d榛子醬加埋白朱古力一齊坐溶就得, 不過, 我覺得好水, 唔係幾好.
至於柚子醬就煩dd, 但係材料簡單又方便, 唔似d 坊間d 書教咁複雜. 首先煮溶d柚子蜜, 跟住將d蛋黃, 雞蛋, 鷹粟粉同埋牛油攪均, 之後加入煲內, 同埋柚子蜜一齊煮, 離火後再加d牛油一齊再攪.

美少女話d粉糊放30分鐘, 直到表面唔黏手, 就可以入爐喇....

焗好之後, 就可以將兩邊塗餡, 二合為一就搞掂喇.

不過, 第一次整, 所以製成品好醜樣, 要返屋企多多練習先得!!!