心水單位 ≠ 心水價錢

星期五晚, 接到相熟o既地產經紀o既電話, 通知我地o向我地比較鍾意o既兩座其中一座有合我地心水o既單位放盤, 於是, 我地就約好星期六傍晚去睇樓喇....

無錯, 我地係非常無聊咁年頭買樓, 依家又想換樓.....正確d 講, 係一直都有換樓o既想法, 依家住緊呢度對我地有咁多無聊o野o既人o黎講有d 迫, 如果可以的話, 我係想換間大少少o既單位.
講真, 我地已經對個單位o既間格同座向非常了解喇, 因為個單位好多年無成交過, 之前又係放租o既, 八掛o既我地一心去望下個單位有幾殘啦..

上到去一睇, 唔, 第一個印象係比我地心目中好, 可能係個業主有略為翻新, 地下又換o左做磚; 不過, 間屋未至於完全合我地o既心意, 高就夠高喇, 又向東, 睡房望到o既海較舊居o既景觀好.
可惜, 呢位放盤o既業主實在太進取喇. 不單只一毫子都唔肯減, 仲話下星期會加價...

實在太唔值喇.....即使依家樓價上升, 但係個單位根本唔值呢個價, 就算我地買返o黎, 一定要大執一番啦, 因為呢個單位將原先兩間房有所改動, 唔係太合我地心水呀!!!!

雖然運o左一晚吉, 但係都唔錯丫, 起碼俾我地有心理準備, 知道呢個座向o既單位實際係點, 他朝有一日遇到o岩價錢的話, 就可以一睇就落票啦 (哈哈哈, 正傻婆, 又o向度發夢喇 !!!)

放心, 呢d 單位無錯係少放盤, 但又唔代表一定無o既, 一於俾d 心機等下啦......

歡迎你呀, 花小B!!!

話說, 好朋友花師奶佢o既預產期係8月6日, 不過, 日子一日一日咁過, 都未見有乜動靜喎, 連我呢個局外人有d 擔心o添, 但係又唔想日日打電話煩住呢位未來媽咪喎....唯有日日o向度等消息啦...

終於, 星期五下晝同花師奶通電話, 佢話會o向夜晚入院, 星期六一早就催生喇.....

星期六我成日不停望住個mobile 啦, 怕會miss o左佢o既sms , 終於琴日8點幾收到花師奶o既sms 喇......佢地花生o既小寶寶終於出世喇!!!!

琴日同呢位新任媽媽講過兩句電話, 知道佢生o左13個鐘頭, 好辛苦好攰呀, 所以都係唔好大擾佢地喇, 俾d 時間佢休息下先啦........

等佢地返o左屋企, 適應o左新生活先去探佢地啦.....

希望小寶寶身體健健康康, 快快樂樂啦!!!

令人煩惱的Annual Leave

今日簡直嬲到一肚火呀!!!!!

話說, 琴日公司出o左memo 話以後唔可以儲我地o既annual. 原本, 我地大部份人都會儲部份o既年假o架嘛. 尤其係我地呢個部門, 平時放o既假大多數都係辛苦得來o既compensation leave, 再加埋每年必定要o既連續9日, 而且, 我地一年又有幾個月講明唔俾放假, 因為係high season, 所以, 基本每年entitle有o既假係一定有剩.

一償心願

早前, 好無聊咁上下好耐無望過o既jobsdb 啦. 突然間, 俾我見到一間我一直都好有興趣o既big big big blue chip 公司請人喎.....

平時都唔覺呢間公司會請人o既, 一見到, 就心郁郁想試下send 信啦....估唔到, 懶到出汁o既我, 竟然"的"得起心肝, 寫下application letter 啦. 係咁易modify 下封用o左無數次, 無乜新意o既求職信, 就咁send o左出街喇....

9號風球的晚上

今日, 再一次俾香港寬頻耍完我之後, 就o向阿媽o個邊返o左去自己屋企, join 埋小倫, 休息一陣就要冒住今晚會變落湯雞之險下, 出發去TST o既Royal Pacific 食dinner buffet同玉姨慶祝生日喇.....

我地都算幾好彩, 去到TST 都未有大風大雨o既出現.

今晚呢餐buffet 算唔錯啦, 二百幾蚊, 唔可以要求太高, 叫做都有款式唔多o既魚生 (其實只有三文魚, 八爪魚同埋吞拿魚), 長腳蟹, 青口同凍花蟹, 熱葷都有standard o既魚, 雞, 牛等等. 甜品都算ok o既, 叫做可以值回票價o既就係有幾款不同口味o既哈仔雪糕.

可惜, 今晚同場有間小學做farewell dinner, 有太多太多細路喇....令到場面有d 混亂, 排隊but 雪糕就更加耐o添.....所以, 搞到我都無乜心機食.

我唔係話唔鍾意小朋友, 我只係唔鍾意同時間一次過有太人細路出現, 一見到我就覺得煩同討厭..哈哈哈, 所以, 我都係唔o岩去教書....

食完buffet, 我地就早早地返大埔迎接午夜o既8號風球喇.

返到屋企, 我地都仲覺得風平浪靜o既...上網打o左一陣麻雀, 覺得攰就走o左去o訓啦...

點知, o訓o訓下, 小倫就拍醒我, 話我知依家9號風球喇!!!!!嘩, 嚇死我喇!!!!望下窗外, d 風同雨都好勁呀!!!!可能今次係吹我地呢邊風啦, d 雨係horizontal o架!!!!樓下d 樹就更加唔駛講, o向度fing 晒頭, 跳晒舞啦.

不過, 我地個廚房就慘慘慘喇!!!!!小倫話上手裝個抽氣扇裝得唔好, 所以勁入水呀!!!!窗邊附近我地新買o既煮食爐都入水呀!!!!地下就更加唔駛講啦......好在, 俾我見到o既時候, 小倫已經將d 水抹得八八九九, 佢今次又好醒目咁識得搵我收埋o左d 地布出o黎索水喎!!!!

雖然,佢叫我返房o訓, 佢自己一個人搞得掂, 但係都有d 擔心呀!!!開埋個電視睇下新聞啦, 見到出面o既情況都幾差. 個新聞報導員仲俾風吹到連鞋都無呀!!!!真係可憐....

即使係咁, 我實在太眼o訓喇, 唯有一邊擔心, 一邊繼續o訓喇....

哈哈哈!!!!

好在, 入伙之前, 搵人check 過晒全屋o既窗, 換晒新較咋...如果唔係, 今晚就......................在水中央....