探訪新居 -- Kathy & Anson 之家

約o左好耐, 終於我地約得成去Kathy 同Anson o既新居喇......

o向樓下等埋Pingu 同運動人兩個, 我地就一齊上去喇......

Kathy 同Anson o既新居好簡潔, 明顯比我同小倫呢兩個無聊人少好多雜物呀!!!

簡簡單單, 又好溫馨喎...好搞笑, 成屋都係史迪仔, 好可愛...




我最鍾意就係佢地睡房用紫色, 好soft, 好舒服....但係, 呢d 色太女仔, 唔多o岩我....:P 都係黑, 白, 灰襯我多d.....

八卦完, 我地就行去青衣城別府食晚飯喇.....

我地六個人叫o左個四人餐, 加多兩個餸, o岩o岩好!!!!好飽呀!!!!

四人餐以外, 我地額外叫o左一客鐵板牛肉; 清酒煮蜆, 軟骨餃子....

四人餐: 三色刺身, 鹿兒島洋蔥汁粟米片蟹柳沙律, 加州手卷, 燒帶子餅...

炸蝦天婦羅, 炒野菜, 黑豚肉白味噌涮涮鍋, 三文魚煙肉撈烏冬

雖然好想早d 食完, 早d 返屋企睇電視, 結果又係唔成功, 大家好開心咁住傾傾講講, 咁就一晚喇......

路經, 見到青衣城有sanrio village 呀!!!但係, 有太多人排隊, 食完飯o既時候, 都已經close 喇......唔知遲d 有無時間o黎探下小黑呢????