5-star hotel 果然舒服好多好多…..張床大到呢….成晚都唔會feel 到隔離有人, 真係爽喇!!!不過, 我都係鍾意上次去韓國住Marriot, 簡直係超正呀!!!
今日o既早餐係去老遠o既黃亞細肉骨茶, 好在一早做好資料搜集, 上網search 定佢o既位置咋, 如果唔係, 都唔會搵到間舖呀!
我地既然有EZ-Link, 當然會盡量利用佢啦, 所以今日我地又由City Hall 出發, 去Farrer Park (SG$0.78)! 搭到今日, 我地將EZ-Link 已經得返SG$3蚊喇, 所以一入閘就”必必”響, 要增值喇!!!如果唔增值, 即使仲有餘額都用唔到o架, 好似有d 搵苯…..
講真, 由Conrad 行去City Hall MRT station 都幾遠o架, 如果由Suntec City 行underground 會好d, 叫做有冷氣啦. 不過, 今朝我地試下行地面, 睇下會唔會有short cut可以快d 到MRT station. 不過, 我地o既判斷係錯o既, 由於9月尾新加坡有Formula 1 o既比賽, 好多道路都封o左, 結果要兜大圈先行到去….
嘩!!!真係唔好再遠d, 出o左地鐵(Farrer Park)都仲要行超過15分鐘. 終於見到喇!!!!呢間o野都幾隱閉, 如果無地圖, 就咁搵都幾有難度. 不過, 都真係幾多人幫襯喎. 間舖依然保留原有風貌, 有樣幾得意o既就係, 每枱隔離都有一煲熱住o既滾水, 方便客人refill, 確保水滾茶靚. 雖然係咁古老, 但係間舖最in o既地方竟然係用PDA 落order, 真high-tec!
我地叫o左兩碗肉骨茶, 唐生菜, 油炸鬼, 豬尾, 豬腸, 同豬潤.由於我對呢d 食物唔太感興趣, 所以我只係係咁易試o左幾啖肉骨茶, 同埋食o左少少菜就算. 雖然我之前無試過其他地方o既肉骨茶, 但係, 就咁易幾口, 我覺得味道似胡椒湯多d, 因為有濃郁o既胡椒味, 就連菜都係帶有胡椒味. 睇好似食幾樣o野, 但係收費都唔平呀, 呢一餐埋單(連埋GST)要差唔多SG$40, 即係大約港幣 $220蚊, 二百幾蚊o向香港飲茶可以食到搓晒肚啦!.就咁一餐早餐, 可見新加坡人o既生活指素都幾高.
食完早餐, 我地又再去探林志源喇!手信時間到!!!大家都忙住計算買幾多返香港先夠交代呢!!!坦白講, 去旅行我最唔鍾意就係呢d 交功課環節. 買手信送俾朋友/同事應該係出自真心, 見到o岩朋友/同事o既o野, 買o黎送俾佢地係心意一種. 但係, 呢d 為o左還債而買o既手信就買得唔係幾開心囉.
(牛車水入面, 會見到呢一間好傳統o既中式餅家)
呢個自費活動完結後, 我地拎住一袋二袋, 再坐MRT 由Chinatown 返去酒店, (坐MRT 又用o左SG$0.78). 沖個涼, 執拾行裝, 準備去聖淘沙喇!!!酒店住近town centre 就有呢d 好處, 隨時返去放低o野, 又或者換件衫都得~~~~
路過, 我地去Charles & Keith 睇鞋, 旅遊書話呢間鞋舖o既鞋又平, 又o岩OL 返工, 咁就梗係要去望下啦….價錢又確係唔貴喎, 比香港o既Le Saunda 平, d 款都ok o既, 不過唔係我杯茶, 最大問題令我揀唔落手就係d鞋踭太高喇…對對都3-4吋高, 著咁高實在太辛苦我喇….都係唔買lu…..
運完吉, 我地又坐MRT 去Harbour Front (SG$1.05)o既Vivo City. 呢個shopping mall 好大呀, 不過, 無時間行lu, 所以, 我地又幫襯Food Republic 食個lunch 後, 我地就去Food Republic 隔離o既Sentosa 售票處買SG$3(來回) o既單軌列車車飛, 同埋將新航假期請我地睇Songs of the Sea o既coupon換入場卡, 正, 又可以慳返SG$10, 都幾抵呀!
(o向新加坡幫襯得最多就係FoodRepublic!)
車程唔算長, 好快就到達新加坡人o既渡假勝地 – 聖淘沙島, 沿途仲見到興建中o既環球片場o添. 一落車o既感覺好似去Disney o向欣澳站咁o既feel.
一落車, 就會見到一條好大好大條o既魚尾獅(Merlion)喇, 影返張相先~~~~因為上去魚尾獅o既口睇風景要俾SG$8, 所以, 我地都係唔上lu.
跟住, 我地就行出去廣場坐free shuttle bus, 去Siloso Beach. free shuttle bus 有分唔blue line 同red line, 停唔同o既stops o既. 我地就要坐Blus line bus.
我地去呢度主要係想入去Underwater world睇下海洋生物. 買飛o既時候, 個staff 話, 我地有SIA boarding pass, 所有有8折, 而且仲送多張入場卷去Dolphin Lagoon, 就咁去睇dophin 要俾SG$22.9 o架, 可惜, 我地唔夠時間返轉頭去睇lu, 所以無緣睇到海豚. 原先入場費要SG$22.9, 依家有8折, SG$18就有喇, 抵!!!!
呢度好得意, 有個touching pool, 係可以俾d 遊客伸手入去魚缸掂下d 魔鬼魚, 呢d 魔鬼魚應該無毒o既, 因為平時睇新聞話魔鬼魚係有毒o架. 我估如果有小朋友o黎都會幾得意, 可以俾佢地接觸一下. 另外, 仲有d 魚缸入場有d 金魚, 都係可以伸手去掂下d 魚o既. 旁邊仲好細心咁, 有洗手盆俾人洗手, 唔駛下下入去toilet 咁麻煩!!!!
跟住, 其餘地方都好似海洋公園o既水族館咁.
睇完魚, 我地行返出o黎, o向沙灘行下, 亦都o向成個沙灘o既signal logo 影下相. 可能係沙灘太大o既關係, 所以唔覺得好多人, 或者好迫, 感覺都好relax. 如果我地唔係唔夠時間的話, 可以o向度hea 下, 游下水, 睇下女仔, 應該幾爽.
差唔多七點, 我地就要入場搵位等睇Songs of the sea 喇!!!個show 應該係7:40 pm 先開始, 但係為免無個靚位, 所以我地一早入場等運到喇.....Songs of the sea 係一個幾大型(我覺得啦)o既激光, 煙火, 水幕音樂劇, 效果做得非常好, 好精彩!!!加上, 係free o既, 仲抵!!!!!如果自己俾錢, 要SG$10 o架, 都唔算平囉.....
睇完show, 我地就急急腳趕上車站, 搭返單軌列車就lu. 今晚, 我地又去另一個food centre 食晚飯 -- Newton Circus Hawker Centre. 我地又由Harbour Front 搭MRT 去Newton (SG$1.35), 好遠呀, 坐o左7個站先到呀!!!不過, 一出地鐵站, 跟地圖行都好易搵.
呢個hawker centre係露天o架, 感覺好通爽, 地方亦都好闊落, 唔會覺得迫. 不過, 有個唔好處就係一坐低, 就已經有一男一女埋o黎approach 我地, 俾menu 我地, 迫我地落 order, 好似唔想俾我地揀其他檔咁, 有少少江湖味.
但係, 我地都好堅持話要行下先決定, 咁就由小倫, 敏敏同堅堅負責去落order, 跟住就有人會將煮好o既食物拎過o黎我地張枱, 收到食物先找數. 今晚, 我地又係食例牌o既馬拉盞炒通菜, 煎蠔餅, 烚螄蚶, 燒魔鬼魚, 同埋魚蛋粉. 日日都係食差唔多o既款式, 所以我主力只係食菜同埋少少蠔餅就算lu......呢個時刻, 我好想食日本o野呀!!!!求其俾碗拉麵/烏冬, 或者壽司俾我丫, 唔該!!!!!
今日又行o左好多路, 又晒o左咁多太陽, 好攰呀!!!!不過, 聽日都要走lu, 所以要執埋行李先有得o訓......
沒有留言:
張貼留言