2009星星之旅 - 新加坡自由行Day2

中峇魯熟食中心 --> Singapore Botanic Garden --> Orchard Road(Wisma Atria, Ngee Ann City) --> 無招牌胡椒蟹 --> 榴槤街

尋晚比平時早o訓, 今日又俾平日返工遲起身o架啦, 今朝一早起身都依然好眼o訓, 又周身骨痛.......好在捱埋今晚, 聽日轉酒店咋.....好期待..

由於我地o既package 酒店唔包早餐, 於是我地就去酒店附近o架中峇魯熟食中心食早餐....
呢度地方都幾闊落, 又通爽.....當然又係好似我地o既大排檔咁啦, 不過, 新加坡都有好多人識講廣東話o架, 買o野食都唔駛講國語/英文, 非常方便!!!

(呢d 就係我地o既早餐喇!!)



食飽飽之後, 敏敏同堅堅就坐的士出發去My Dream Wedding, 今日係佢地影第一輯婚紗相o既日子, 而我地幾個就去Singapore Botanic Garden 玩喇!!

由於Botanic Garden 唔o向MRT 附近, 而且又唔想自己四圍搵, 加上新航o既Hop-on Bus 咁o岩又有個stop 去到Botanic Garden 喎, 我地就校o岩時間, 行去Hotel Miramar 上車喇!!!!其實距離我地呢度話遠唔遠, 話近唔近啦, 大約20分鐘車程啦.....

原來呢個植物公園都幾大o架.....我地行o左大半咋, 加埋我地入o左去National Orchid Garden, 我地總共行o左差唔多3個鐘呀!!!!如果要行埋剩返o既部份, 我估都要o向度行4個鐘至得lu....

呢度咁多花花草草, 又有湖, 又有swan lake, 我地梗係影o左好多相啦.....講真, 呢度真係好適合影pre-wedding photos o架!!!我最鍾意o既地方就係The Bandstand, 同埋Swan Lake 附近.....而且呢度有大草原, 可以o向度picnic仲正呀!!!!

o向呢個Botanic Garden 入面有個蘭花園(National Orchid Garden), 蘭花o向新加坡叫做胡姬花, 入場費要SG$5 o架, 不過都幾抵俾呢5蚊, 因為入面有好多唔同品種o既蘭花, 好靚o架!!!!

行完Botanic Garden 都已經下晝兩點幾, 又餓又攰, 我地再搭free o既Hop-on Bus由Botainc Garden 去Orchard Road 都只係10分鐘...

我地去Wisma Atria 入面o既FoodRepublic 食lunch.....

今次我地試一間叫做三巡海南雞, d 雞都幾滑丫....不過, 就有d 貴喇, 呢個set 要SG$6 呀....

食飽飽我地就o向烏節路四圍行下啦, 呢度就等於我地香港o既彌敦道, 即使今日係平日, 條街都好多人呀!!!
我地去o左行義安城 (Ngee Ann City),呢個mall 賣o既o野都係貴o野, 入面全部都係名店, 即係有LV, Gucci等......不過, 輪裝修, 梗係唔夠香港靚...我地行o左地庫o既日式supermarket 就上返地面lu....
我地仲試o左雪糕三文治呢款地道小食o添.....呢個抵呀, 只係SG$1就有大大舊雪糕, 有好多唔同味可以揀o架!!!!

o向烏節路仲有呢間叫做老曾記, 專賣炸物o既, 不過太飽lu, 食唔落, 無得試o添.......
原本我地plan o左會去虎豹別墅行下, 不過, 大家都已經好攰喇, 所以我地臨時改行程, 索性返酒店休息下....

於是, 我地就由Orchard Road (NS22) 坐MRT 返Outram Park(NE3) (SG$1.00).
返到酒店, 先沖下涼先, 行o左大半日, 流o左好多汗呀!!!洗完白白, o訓個晏覺先!!!!爽呀!!!呢個晏o訓, 一o訓就o訓o左3個鐘呀!!!!

7點幾, 敏敏就打俾我地, 話佢地已經影完相返o黎喇!!!!我地即刻起身, 執下o野, 佢地就到酒店lu....

今晚, 我地去食新加坡好出名o既胡椒蟹呀!!!於是, 我地就坐MRT, 由Outram Park(EW16)去Aljunied(EW9)(SG$1.10)去到Geylang 區, 呢一區比較雜, 所以我地都唔敢亂行又或者四圍望o野, 好在, 唔係行好耐就搵到我地要食飯o既地方, 就係"無招牌"喇.....

我地總共食o左6個餸, 當中梗係包括地道o既胡椒蟹啦, 不過呢一間係用白胡椒煮o既, 其他出名o既餐廳就用黑胡椒, 味道唔錯, 好香又夠辣, 另外, 我見旅遊書有介紹麥片蝦, 所以我地都有叫呢味餸, 可能味道帶甜o既關係, 唔太o岩大家o既口味. 我地仲叫o左個椒鹽肉排, 同埋沙律油條, o向d 油炸鬼中間鑲墨魚肉, 都幾好味...當然唔少得馬拉盞炒通菜啦, 今晚呢個菜就好辣呀, 但好好味!!!!嘆番杯冰凍Lime Juice 就正晒!!!!呢餐埋單唔算好貴.

食飽飽雖然時候唔早, 但係我地仲有一個行程, 就係去我o既死敵 -- 榴槤街喇.....根據旅遊書話, 榴槤街o既位置o向芽籠六巷, 我地照搵啦, 唔知係因為太晚而收晒, 定係我地行錯方向, 我地去到只係等一檔....正當我地想走, 搵緊下一個MRT station o既時候, 就俾我地發現o向另一條街, 就有多幾檔賣榴槤o架喇..

D 榴槤我當然唔知好唔好食啦, 因為我最怕就係佢喇........當大家食得津津有味之時, 我只有遠觀. d 相都係我閉氣/用zoom o既function 影o架.....哈哈哈

了o左大家食榴槤o既心事, 我地就行去Kallang MRT station 坐地鐵返Link Hotel lu, 呢程又用o左SG$1.00 喇.