琴晚編行程同執行李搞到3點先o訓, 今朝一早6點就要起身喇!!!!!好眼o訓呢~~~
今次係我地兩個第一次去熱帶地方旅行, 唔駛帶咁多厚衫, 大褸, 加上o岩o岩買o左個大o急, 所以, 今次我地兩個人只係帶一個o急就夠lu, 再加上一人一個hand-carry, 就可以輕輕鬆鬆出發lu!!!
真係"橋" 喇, 竟然o向巴士站遇到舊同事Cherry 媽媽喎, 好耐無見佢喇!!原來佢去台灣出trip呀!
其實去到機場仲有大把時間剩, 於是就無無聊聊影下相啦....
今次我地係自己o向新航假期買o左個3日2夜o既package, 包埋兩晚酒店連埋機場稅燃油附加費都只係2千蚊多d, 都算幾抵o架.....不過, 我地唔只去3日2夜, 我地一共會o向新加坡留5日4夜, 所以另外兩晚o既酒店就係自己book o既... 落o左機過埋immigration, 就去唱錢啦....唉, 真黑仔, 次次去旅行都係遇到高位, 上次去日本又係咁, 今次去新加坡又係咁, 勁蝕呀!!!
(o向Terminal 3 行到盡頭就會見到SIA Holiday counter, 下面呢一疊就係新航送o既coupons同埋SIA Hop-on Bus o既voucher)
估唔到一落機就遇到d 唔好service o既人呀!!!就係呢個SIA Holiday counter o既staff 喇!!!一去到, 我就好有禮貌咁問佢, 點arrange shuttle bus 去酒店啦, 跟住就問d coupons 點樣換啦....豈有此理丫!!!o個位小姐黑口黑面咁叫我俾晒d vouchers 佢喎, 其實有d 係唔需要俾佢o架嘛, 想問下佢點樣用d coupons 啦, 又唔睬人喎!!!!離#@*#&(譜o架!!!大大影響o左我對新加坡o既印象呀!!!!好明顯佢係做遊客生意o既, 都咁o既態度實在唔可以忍受!!!
等o左差唔多20分鐘就有shuttle bus o黎接我地去酒店喇....話係shuttle bus, 其實都只係一架van 仔囉...
因為新加坡太細, 所以唔駛坐好耐車就到達我地呢兩晚會住o既酒店 -- Link Hotel. 呢間酒店係新加坡其中一間o既boutique hotel, 由以前o既新加坡公屋改建而成, 分開Lotus 同Orchard 兩幢. 而我地就住o向Orchard.
嘩, 真係唔諗過間房係咁細o架!!!!好彩我地兩個人得一個o急o架, 多少少行李都唔夠位轉身呀!!!不過, 呢度都有樣好, 就係房有free internet, 咁我就唔駛同外界斷絕來往啦....
Settle down兼休息o左一陣, 我地就出發去My Dream Wedding 喇.....首先, 我地行去最近o既MRT 站 -- Outram Park, 買張EZ Link 卡先...依張卡就好似我地香港用o既八達通咁, 第1張要俾SG$15, 但係有SG$5 係non-refundable o架, 實際value 只有SG$10, 但係坐MRT 就會有discount 囉, 所以, o向新加坡如果多數都會坐MRT 的話, 買一張EZ Link 都係抵o架....
我地坐一個站由Outram Park 到Tanjong Pagar (用EZ Link, 只需SG$0.9), 出閘後行唔洗5分鐘就見到My Dream Wedding 喇!!!
(新加坡o既地鐵都唔及香港o既咁新同modern.)
原來呢條係婚紗街o黎o架, 除o左My Dream Wedding 呢度仲有好多婚紗舖o架...
(呢度o既shop design 同香港o個間都好似o架, 而staff 都好nice o添!)
o向賣尖反完之後, 我地出發去我地真真正正o既第一個景點 -- 坐鴨仔船DuckBoat, 按資料話, 呢種船係水陸兩用, 以前打仗時用o架, 我地見新航有50% off o既coupon 就去試下啦......於是, 就再由Tanjong Pagar 站坐MRT到City Hall 站 (用EZ Link, 只需SG$0.68)....照計, 呢個City Hall 站應該都算係香港o既銅鑼灣站喇, 超爆多人呀!!!明明今日係星期四, 又未夠鐘放工, 成個mall 都係人呀!!!我地要由呢個MRT 站行underground 去Suntec City, 原來要行好遠o架, 差唔多要15分鐘先到, 跟住就要四圍搵坐Duckboat o既ticket office 買飛啦!!!!搵到氹氹轉, 終於搵到啦, 我@&*#@($&*#&(*#%佢丫!!!!竟然話唔係呢度買飛喎, 話我唔可以坐!!!!再問下佢應該去邊度買飛啦, 又十問九唔應喎!!!!呢d 係乜o野service o黎o架! 佢地點做tourists 生意o架.......估唔到呢度d 人係咁差o架!!!
哼, 好巴閉咩, 唔講我知, 我唔曉自己搵呀!望清楚張coupon, 先知原來要去Singapore Flyer o個邊買飛o架..就咁望地圖, 好似都唔係好遠o者, 一於行過去啦!!!新加坡又再一次令我失望喇!!!唔知係因為Singapore Flyer 太新, 定係新加坡政府以為所有人都係會搭的士去, 沿途無乜指示路牌, 加上為著月尾有Formula 1 比賽而封路, 我地行o左好耐先去到呢個全世界最高, 比London Eye 還要高o既摩天輪喇!!!
經一眾團友商量完, 決定改行程, 先坐o左呢個摩天輪先....呢個摩天輪都幾抵坐o架, 唔算貴, 原價SG$29.5. 一早做晒功課o既我, 知道如果show 到新航o既boarding pass 就會有8折, 所以8折後, 只須SG$23.6咋.....即係大約HKD130, 全程30分鐘, 抵玩過昂平360呀!!!!
玩完摩天輪都已經七點喇, 於是, 再去問下玩DUKw Tour 同埋去Night Safari o既package 啦.....跟住, 等一陣間, 就有SIA Hop-on Bus 坐, 呢樣係另一樣新航offer o既優惠, 可以免費搭o架. 於是, 我地就由Singapore Flyer 坐到去Robinson Road 落車, 行過幾個街口就搵到老巴剎沙爹街啦!!!!
我地今晚o既Dinner 就係食沙爹喇!!!呢度o既感覺就好似o向中環無啦啦有一條街食大排檔咁....不過, 都好熱鬧o架, 雖然係街邊榴, 但係好乾淨, 唔會見到有水漬/烏蠅飛飛下囉....
行o左成日, 已經好肚餓喇!!!!所以, 都覺得d o野幾好味!!
食飽飽, 我地就返酒店休息喇!!!今日好攰呀!!!但係, 我返到酒店沖完涼都仲未o訓得, 因為要寫email 去新航假期complain 呀!!!
事緣係: 新航其中一個offer o既優惠就係Kenko 小魚按摩Buy 1 Get 1 Free, 其實o向香港o既時候, 已經俾o左voucher 我, 點知, 今日o向SIA service counter o個個staff 收o左我, 唔俾返我喎!!!!豈有此理丫.......我打過去shop 問, 一定要有o個封信o架!!!就係咁, 我要寫email 去叫佢re-issue 過封信俾我, 順手再complain 埋今日機場o個個staff 啦!!!寫投訴信我最叻!!!寫埋就o訓lu......
(P.S.
1. 兩間Duck Tour o既分別:
~上面幅圖o既Dukw Tour 先係新航假期offer 有50%off o既水陸鴨仔戰車之旅, 同下圖一般上網search Duck Tour 係兩間唔同公司o黎o架.....如果搞錯o左就會好似我咁行大運兼運吉o架喇!!!!
~ 新航假期offer o個個Duck Tour 要去Singapore Flyer o個邊join; 而common o個個Duck Tour 去Suntec City 就搵到o架喇!!)
2. Kenko 小魚按摩
~ 雖然Kenko 有好多間分店, 但要用新航o既Buy 1 Get 1 Free o既優惠, 一定要o向Singapore Flyer o個間shop 先用得o架!!!)
沒有留言:
張貼留言