今日o既行程係咁多日最free o既, 因為時間有限, 遠o既地方去唔到, 所以, 唯有安排一d sightseeing o既活動啦~~~
起身, tidyup 埋d 行李, 英明o既我地, 實在無後悔o向旅行之前, 斥資買個大o急, 好輕易咁將我地o既手信行裝放入o急, 完全唔需要擔心唔夠位放, 哈哈哈!!!!
由於我地request o左late check-out, 可以先出街玩, 玩完再返酒店check-out, 跟住先去機場就o岩o岩好喇!
第一站, 今朝去邊度食早餐好呢???一於就近近地, 去附近o既Fountain of Wealth 商場下面o既food court 食啦….Too bad, 估唔到, 呢個food court 咁大, 連一碗通粉/麥片/白粥都無, 唔知揀乜好, 唯有又係食魚圓米粉啦…(魚圓即係我地香港叫o既魚蛋).
食飽, 我地就沿往CityHall MRT station o既underground 行去有榴槤殼之稱o既Esplanade (即係濱海藝術中心), 呢度有d 似香港o既文化中心咁. 行上地面前, o向subway 入面, 有好多得意o既畫呀!
可能已經到o左十點幾, 好晒呀!!!!連眼都睜唔大. 原先, 我地想o向呢度門外入SIA Hop-on Bus 去魚尾獅公園, 但係唔知點解, 有巴士o黎到, 我搵唔到d 車飛, 搞到好瘀咁落返車. .
其實, 我睇地圖知道兩個地方好近, 我一直都打算行路去o架喇, 都唔明點解要坐車喎…..不過, 家下唔見o左d 車飛, 唯有行過去啦...
兩個地方, 只係一橋之隔, 前後都唔駛15分鐘就行到去魚尾獅公園喇….呢度, 其實就好似香港o既金紫荊廣場, 面積仲要比香港細, 既然一場o黎到, 我地就梗係要做下港燦, 影下相啦….我估如果夜晚o黎呢度會靚好多, 日頭實在太晒, d 相會太光, 夜晚加埋d 燈, 應該靚d.
(唔只魚尾獅曉噴水, 我都識!!)
影完相, 我地照第一晚有路人甲教我地由subway 行上去Fullerton Hotel 過馬路, 反正都做開港燦, 唔差在o個少少啦, 我地行埋入去Fullerton Hotel 見識一下, 樓底好高, 入面都好高檔, 但未至於叫做好金碧輝煌, 唔知另一間Raffle Hotel 會唔會靚d呢, 可惜, 時間唔容許我地去埋Raffle Hotel.
穿過Fullerton Hotel, 就會見到Cavenagn Bridge, 充滿英式風味o既吊橋, 好想o向度影多d 相先走呀, 但係大家又好似無乜興趣咁, 唯有望"橋"輕嘆啦….
之後, 我地就行返去Raffles Place 站坐mrt 去尋找My Rice喇….根據資料話, My Rice 係以前文華酒店開o左檔仔, 聽聞d 海南雞飯好好味喎, 於是我地老遠去搵啦….. 資料話, My Rice o既地址係567-569 Balestier Road, 如果坐MRT就o向Novena 站落, 於是, 我地就搭mrt 啦 (SG$1). 去到睇地圖, 好似好遠咁喎, 我地就去7仔問下人啦…..點知…………個姐姐話, 好遠o架,而且佢無聽過My Rice 喎. 於是, 我地決定搭的士搵....沿途經過有文東記海南雞飯同埋發起人肉骨茶, 終於搵到567號, 但係搵唔到傳說中o既My Rice, 由於時間o既關係, 我地決定轉移陣地, 去搵文東記.
終於, 我地唔駛再食food court喇, 有間好樣企理o既餐廳食飯喇!!!由於唔係咁肚餓, 我地只係叫o左一碟例牌o既海南雞, 一碟玻璃雞腳, 3碗飯, 3 杯drinks, 加埋茶芥同GST, 大約SG$50蚊, 都ok 啦, 起碼我覺得呢度坐得舒服, 而且d 雞真係幾好味喎!
食飽,我地又趕住走喇, 因為要趕返去Conrad check-out 呀!!!當然, 我地唔會飛的返去啦, 咁貴. 我地只係搭的士叔去Novena MRT Station o者.....我地由Novena 坐5個站(SG$0.9)返到去CityHall. 其他人先返酒店, 我同小倫就將其中4張EZ-Link 退錢. 每張退到SG$5.9都幾好o架...不過, 當初o個SG$5 deposit 就無得退lu, 都係香港o既八達通好d.
返到酒店上房拎埋行李就落樓下check-out, 手續非常簡單, 只需要講低幾號房有無飲過雪櫃入面o既o野就ok lu....趁仲有少少時間, 我地又走去Charles & Keith 睇鞋喇. 可惜, 點睇都係唔o岩我心水, 雖然係幾抵.
睇完鞋, 我地返去Conrad 拎返d 行李, 坐的士去機場lu, 呢個方法係最平最抵同最方便o架. 酒店門口有巴士去機場, 但係唔知要等幾耐同坐幾耐先去到, 坐MRT 淨係推行李去Cityhall站都有排推啦.....最終, 兩架的士加埋唔駛SG$30, 15分鐘就到機場, 正!!!!
去到機場先寄晒d 行李先, 跟住小倫就派返每個單位用剩o既錢, 加埋之前新航送o既每人SG$10 cash voucher, 大家有錢可以把握最後時間掃貨喇.....我買o左個斑蘭蛋糕返公司俾同事做手信, 之前有人話佢買唔到喎, 咁我咪買返公司囉. 佢地話好味, 但係我見個蛋糕係綠色, 唔敢試.
(樟宜機場好大, 但係點都唔及香港機場咁熱鬧!!!!個斑蘭蛋糕要小黑handcarry, 真係辛苦佢~~)
行下duty free 有乜好買啦, 都係睇唔o岩, 仲好, 慳返唔買!!!!
入閘boarding 前, 有得上網喎, 梗係埋去上下facebook 先啦...路經yahoo, 知道香港就快掛8號風球喇....點算好呢??????會唔會要滯留新加坡o架???埋去counter 問下d crew 先, 佢地話一切如常喎....咁我地就o向度繼續等上機啦.....
(此時此刻,新加坡陽光普照,香港就打8號風球lu)
上到機, 就發生一件令我非常慶o既事, even 8號風球o既風都吹唔熄我d 火....原先, 我o向起飛前48小時前online check-in同揀位啦, 我就揀o左前後三排,近窗o個兩個位啦. 好喇, 上到機, 我發現我同小倫o個行位, 俾一家三口坐o左, 咁我就問空姐, 我明明mark o左位, 點解個位俾人坐o左?呢位空姐小姐竟然答我, 話呢家人其中一個行動唔方便, 所以要調位坐, 於是就坐o左我個位啦.....咁樣, 我火都o黎埋啦......呢知係乜o野arrangement o黎o架....咁大間航空公司無規距o既咩, 係唔係唔曉行就大晒, 可以佢地自己鍾意/認為邊個方便就坐邊個位先?!
佢又係economy class, 我又係economy class, 點解要就佢......加上, 呢家人好無禮貌囉, 對唔住都唔同我講聲, 家下老馮俾你坐o架, 信唔信我叫你地起身俾返個位我丫.....不過, 我唔會咁做, 我一咁出聲, 就全機人都會覺得我唔o岩, 我唔讓d 有需要人士. 但係, 點睇佢地都唔係啞囉, 佢阿媽又唔係突然間唔曉行, 佢地唔識得上網check-in 揀佢地認為方便o既位, 都識得訂機票o既時候同新航講佢地有其中一位坐輪椅囉,而唔係上到飛機先揀位囉.....既然佢地兩樣都唔識做, 咁又咁醒, 識得上到機艙叫做幫佢地換位....另一方面, 新航都無理由到我上到機艙要坐低先同我講, 問我有無問題囉....人地係disabled, 一早就被安排上機先, 咁即係o向我上機前, 已經知道我個位俾o左第二個人啦, 佢地check 我boarding pass o既時候又唔同我講, 係唔係因為我cheap, 只係坐economy class 就咁對我先......總之, 經此一役, 令我對新航o既印象大打折扣. 我返香港一定要寫封投訴信去新航排洩憤呀!!!!!
講返8號風球坐飛機o既感覺, 其實都唔會特別驚o既, 我相信d 機師遇呢d 情況多過我, 佢地決定得照飛應該都無事o既, 不過, 接近香港o既時候, 就有較大o既震盪囉....
終於, 大約十點, 就平安著陸lu....o向拎行李o既時候, 先打個電話俾媽咪先, 因為佢太細膽喇, 一定好擔心. 不過, 妹妹話10點鐘就會所以機場巴士都停駛, 我地又無理由咁苯, 兜大圈坐機鐵轉港鐵返大埔o架, 咁我地就去排隊坐的士返大埔lu....
就係咁樣, 我地總算平平安安返到屋企lu.....
沒有留言:
張貼留言