今日係我地正正式式旅行團o既開始喇!!!!
因為今日下晝要check out 喇, 所以出門口之前, 要pack 好晒所有行李先, 方便晏d 即時鬆人...
今日o既第一站, 我地去Far East Sqaure 好出名o既亞坤咖央多士, 食早餐喇!!!呢一餐, 要多謝新航假期喇!! 事關我地join 佢地o既package, 有得送一人一set 多士連飲品, 當早餐食就o岩o岩好喇!!!!
好在, 呢度都唔算難搵, 我地o向Outram Park 坐MRT 去到Raffle Places 落車 (SG$0.68), 穿過d commercial building, 就會見到o架喇!!!!
(右邊第一張相就係Raffle Places MRT station o既入口喇, 靚過香港o個d 地鐵站入口好多!!)
我要o左一杯咖啡, 因為我唔"好"帶有椰香味o既咖央醬, 所以改o左做牛油多. 味道算唔錯o既, 不過, 食晒咁多件就有d "漏" o既感覺囉. 我覺得佢地做生意都幾老實喎, 明知我地係tourists, 只係用coupon o黎食免費餐, 但係都幾好招呼, even 小倫唔飲熱飲, 轉做凍檸茶都只係加SG$0.4咋, 唔會獅子開大口.....呢間舖係總店o黎o既, 所以可以講得係無乜裝修, 舖頭入面只有好簡單o既枱櫈, 不過, 又真係幾多遊客o黎食o架喎.....
食完就起程去牛車水(Chinatown)喇, 原來好近o架咋, 過幾條街就到, 見到一排排得2-3層高o既樓房又寫晒中文字o既就係Chinatown. 呢度d 檔口賣o既o野同我地香港o既女人街o既差唔多, 都係檔檔都咁上下, 見到又唔會點買o既物品.
第一站, 我地就去到賣肉乾非常出名o既林志源肉乾!
嘩, 乜咁細間舖o架, 企多兩個人o向入面, 都已經唔夠位轉身喇! 睇睇下, 計下數, 大家都覺得要買好多手信返香港 (因為如果唔買呢d, 都唔知買乜返香港好lu), 唯有改變計劃, 聽日再返o黎買, 唔好拎住行來行去喇.....
(行到半路, 見到有間印度廟, 原來以前d 印度人都係住牛車水o架)
好, 跟住到去第二站 -- 胡振隆! 呢間舖比較雜, 乜都有得買, 即係唔單只肉乾喇, 仲有馬拉盞, 榴槤糖, 麻油, 等等....我同小倫就係咁易買o左支麻油俾阿媽, 買o左舊馬拉盞, 返香港試下自己整馬拉盞炒通菜.
嘩, 突然間成間舖都係人呀!!!原來有一團旅行團o黎o左, d 人七咀八舌咁, 好嘈呀!!!!轉過去隔離o既馮滿記先!!!
明明呢間o野係賣蓆o既, 但係我R 爆頭都諗唔明點解個個人o黎到都係買藥油, instead of 買蓆o既呢...而我, 都係咁易買o左支千里追風油俾妹妹拎去送俾Mike Mike o既阿女麻啦......我阿媽都唔用呢d o野o既, 自己就更加唔會用啦, 搽o左一陣味.....:P
各團友買完手信, 我地就搵路行去Maxwell FoodCenter 啦...Chur, 不費吹灰之力, 轉個彎就見到喇!!!時間尚早, 不如就先行去後面o既Red Dot Design Museum 影下相啦...
呢間Museum 幾得意o架, 成間都係紅色, 幾有型, 佢o既前身係1920年代o既警察總部o黎o架喎......反o左一陣, 都係行返過去排隊食天天海南雞飯啦....
未o黎之前, 都知道呢間多人幫襯o架啦, 不過, 唔係多人成咁下話, 人故之然多, 但係主要原因係d 員工手腳太慢喇!!!!如果係香港, 邊度駛排一個鐘頭隊丫...一早俾人鬧爆啦!!!! 等O左一個鐘終於有得食喇!!!!味道如何??d 雞確係幾滑, 不過唔知係唔係冰鮮雞o既關係, 所以無乜雞味. 睇下個鐘, 就快夠鐘返Link Hotel check-out 喇. 食完, 我地就拿拿林o向Red Dot Design Museum 方向行去Tanjong Pagar MRT station 坐地鐵返去Outram Park (SG$0.68).
好在, 我地一早已經執好晒所有行李, 只需要推行李落lobby 得就, 而check-out o既手續都好簡單. 講真呢間酒店真係乜service 都無, 最大o既優點只係夠平, 同埋有wifi, 不過, 門口連一架的士都無就差d 囉.....
為o左唔好煩, 我地分開兩部的士坐去Conrad Centennial Hotel, 原來都唔係好遠, 搭的士都唔駛SG$7. 果然係5-star hotel, 連行李都唔駛自己搬, 一落車就有bell-boy 幫手, in 都未check, 已經有staff 同我地講, 轉頭會將我地件行李送上房!
可惜, 我地3間房唔可以o向同一層, 如果唔係就仲方便啦. 參觀下間房先...好大間呀 (同link hotel 比)!!!!單係個Toilet 就已經大過我地琴晚間房喇!!!望下先, 咦, 無朱古力o既???!!但係, 有隻Conrad Bear 仲有free o既生果o添. toilet入面, 又有隻鴨仔喎!!!真係開心喇!!!!
大家settle down 之後, 我地就過o左隔離o既Suntec City 又食Food Republic 呀! 唉, 係呀, 又食呢間, 因為方便囉. 不過, 今日Suntec City 呢度有電腦展呀, 所以人多到喊.因為我地今晚要去Night Safari, 所以要早d 食晚飯呀!!!
食飽飽, 我地就先返酒店, 上房拎部netbook 落去lobby 用free wifi 呀!!!!唉, 唯一一樣o野我覺得Link Hotel 係好過Conrad o既就係上網喇!!!Link Hotel 可以o係酒店房插線上網, 係free o既, 但勢估唔到, 呢度房都有同樣o既o野, 但係要俾錢o架!!!唔駛錢就只可以坐o向Lobby 霸住張sofa 用free wifi 啦!!!!!點解去旅行都仲要掛住上網, 因為我地要o向上機前48小時前上網check-in 同埋mark 位呀!!!今次好快就搞掂lu, 仲可以齊齊坐窗口位o添. 拿拿林放返好部netbook 上房, 就繼續o向lobby 等車o黎接我地喇!
(上面就係最後我地都無時間坐到o既Duck Boat 喇!!下面就係去Night Safari o既shuttle bus!)
基本上, 去Night Safari要自己搵車去o既, 而Night Safari 確實好遠, 搭MRT 係去唔到o既, 於是我地join o左一個local tour, 只需要俾每人SG$39.9包埋車由酒店接我地去Night Safari, 之後又送我地由Night safari 返酒店, 我地覺得都唔算貴, 因為就咁入場券加坐觀光tram 都已經要SG$32, 加多少少錢可以解決車o既問題都ok 啦. 之前問過酒店o既人, 佢地話如果坐的士去都唔平, 而且我地仲要分兩架的士o添.....
唔知點解, 到o左6點, 架車都仲未o黎到o既, 於是就走去Concierge問下個 saff 佢知唔知架車會係點樣啦, 點知, 個staff 好人到幫我打去間traval agent 問, 架車到o左, 仲帶我地出門口上車o添....又再一次証明, 5-star hotel o既service 係好好多.....
哦, 原來架車唔單只載我地, 之前仲去o左其他酒店pick up 其他客人, 但係, 點解又去返Singapore Flyer o既?????原來, 係車我地o黎travel agent office 呢度俾錢呀!!!!
等齊人, 就出發去Night Safari 喇!!!!第一站, 我地趁天仲未黑晒, 先坐觀光tram!!!沿途有導嘗小姐介紹唔同o既動物, 唉....早叫自己讀多d 書o架啦....好多動物o既英文名都唔識, 聽唔明, 唯有靠估......
估唔到, 呢位導嘗小姐好認真, 不停叫各位遊客唔好用flash light, 連部相機有led 光都鬧呀!比起長隆入面o既staff 認真好多 . 成程車o既感覺都幾好o既, 不過, 就唔講得話有好多動物睇, 都無獅子老虎, 但都叫做仲有長頸鹿同大象囉....
坐完車車, 我地就過隔離排隊睇show啦....因為人多, 而且又係最後一場, 所以好多人呀, 我地坐唔到中間o既位置, 好在仲坐到側邊較前o既位置...所謂o既動物表現, 有d似海洋公園咁o既, 最得意都係有d 小otters 出o黎執垃圾, 好cute!
睇完show, 我地再行下條黑媽媽o既小徑, 可以近距離睇下d 鹿仔咁.....行完小徑, 見仲有時間剩, 就出去空地睇人表現噴火啦.....
我就趁d 人個個去晒睇噴火, 走入去賣紀念品o既shops 睇下啦, 嘩, 好貴呀!!!想買樣o野送俾迪迪都唔捨得o添.....望多兩望我就出返o黎lu....
大家睇完噴火表演, 又未夠鐘上車喎, 就行去近門口有檔做fish spa o既舖睇下啦, 咦, 唔貴喎, 張poster 話SG$10 for 10 mins!!平過如果我地用coupon 呀, 循例我都會講下價啦, 問下人地有無得平d, 梗係啦, 呢d 地方係做遊客生意o既, 一定坤水o架啦, 平得幾多得幾多呀!!!!哈哈, 又估唔到, 個哥哥仔俾我講多兩講, 真係肯平d 俾我喎, 所以小倫同敏敏就可以用SG$10 o既價錢, 有15mins 俾小魚咬佢地幾腳o既時間喇!!!!我唔敢玩, 小倫就一直都好想玩, 尤其係上次去韓國o既時間玩唔到, 今次一定要俾佢試下呀!!!我問個哥哥仔係點樣o既. 佢話係d 魚仔會suck dead skins, 唔係bite 喎....不過, 小倫話要d 大條少少o既魚仔先會feel 到suck o既感覺.
事後, 小倫同敏敏都認為15mins 已經好足夠喇, 如果真係有30mins 的話, 就會有d 悶囉.....
玩完呢樣之後, 差唔多夠鐘, 我地就行返出去大門上車lu...因為同車有其他人住o向另一d 酒店, 所以架車先送佢地, 最後先到我地, 因此, 我地就多o左個夜遊新加坡o既機會喇, 慳返唔少腳骨力, 唔駛自己行.....
沒有留言:
張貼留言