Warning Letter

我收到warning letter 呀!!!

有人投訴我好耐係update 個blog!!

其實我已經好努力o架喇, 不過, 我想寫好歐洲之旅先. 但係, 由於我太長氣, 有好多o野要記低, 又要加相喎, 所以咁耐都無交過稿.

寫其實一d 都唔難, 只係揀相有d 難度. 自從我自己部desktop 壞o左, 大部份o既相我都係save 落去小倫部desktop 入面, 有少部份我save o向我部netbook. 所有, 一搵相就好麻煩, 搵好相之後, 又要re-size, 又要用program combine, 好o徙時間....

除o左技術上o既問題, 最大o既阻力係天氣呀!!!天氣咁凍, 夜晚食飽飽之後, 就懶得再拎對手出o黎打keyboard.

雖然係咁, 我會繼續努力! 多d update 個blog

我唔明白, 我真係好唔明白.......

話說, 尋日約o左我所剩無幾o既朋友一齊慶祝生日啦.

地點就梗係去生日o既朋友A 屋企慶祝. 尋日下晝1點鐘多d, 就收到主人家o既sms, 話明4時入席, 去club house 食飯的話, 就6時入席, 外賣的話, 就幾時都入得席啦.

咁好啦, 收到朋友B o既電話, 大家夾時間出現, 朋友B就話佢地一家大約5點幾到啦. 咁我心目中都預5點到啦.

公司新policy

之前收到風, 公司又改HR grading system, 今日終於都出o左memo 喇.

美其名係跟group policy, 精簡架構, 方便大家, 實際係同你地班友仔講, 以後唔駛旨意扭計要升職.

以我地呢個job title o黎計, 以前係分4 個grade,人生比較有希望, 因為可以透過升grade o黎個大幅加人工, 以後就無呢支歌仔唱喇! 以後想加人工, 慢慢等每年全公司一齊加o個一千幾百啦......

English scones & 柚子蜜蛋糕

今日確實無聊得閒, 加上去完旅行咁耐, 都未開過爐, 一決定開下爐.

小倫要返工, 阿媽約我飲茶又俾我耍走佢, 十點幾醒O左就開工喇....之前, O向網上面都search o左好多整scones o既食譜, 但係好多都係加汽水O既, 我個人覺得唔係幾好, 又要無啦啦去買罐汽水, 而且汽水糖份太高. 搵O左好耐, 終於搵到個比較O岩心意O既, 一於試下. 自己再改量少少, 第一次整, 唔好整咁多, 少少地, 整住6個先啦.

結婚兩週年

由於仲有D 假未清, 所以我mark O左今日同聽日都放假. 但係, 小倫今日就唔可以放假陪我, 佢要聽日先可以放假陪我去玩喇.

今日O向屋企hea O左一日, 等到小倫放工, 我地先去旺角行O左一圈, 跟住先去銅鑼灣食慶祝飯. 今晚我地揀O左Agnes b le pain grille 試下, 雖然上網睇人地O既comments麻麻地, 但係都即管搏一搏啦.

以前新開張, 好難book 枱O架喎, 可能真係comments 麻麻地, 所以今晚都幾疏落, 仲好啦, 靜靜地食下飯,傾下計, 學人扮下romantic 丫嘛.

坐低就梗係睇下menu 諗下食乜好啦.....咁就出事喇....駛唔駛咁長呀.....D 餸名, 睇完都只係明7-8成咋, 唉, 都怪自己英文差. 努力完一輪, 終於諗好食乜.

(坐低之後, 會有少少麵包食先.....味道唔錯. )

今晚唔叫salad喇, 試下呢個煙肉紫椰菜, 加O左少少black pepper 之後, 一D 都唔難食喎, 不過, 塊煙肉就咁食有d 咸, 加埋D 菜一齊入口, 好好多.

前菜, 就梗係要食escargots, 法國蝸牛啦, 上次去巴黎, 食飯時, 唔記得O左order 試下地道O既味道, 今次當補數.

Main dish, 我地就order O左一隻波士停頓龍蝦, source 就梗O左最穩陣O既garlic with olive oil, 同埋聽個waiter 介紹O既燒onglet, 個waiter 話呢個部份係牛O既橫隔膜附近O既肉, 所以最好係食3-4成喎, 聽到有D 驚驚地喎, 不過, 都聽下個講啦. 呢個waiter 好細心, 雖然見我地order O左兩個main dishes, 但係佢話不如將兩樣都分兩碟, 咁我地可以每人有兩個main dishes 啦.

首先隻龍蝦, 比我想像中大隻, 味道好好味!!!平時多數都係O向中式酒樓食, 今次要用刀叉, 好有難度, 所以食O左好耐先食得晒我O個碟.

食完龍蝦, 坐一陣, 就到牛喇. 估唔到, 一D 都唔覺得生, 而且好腍, 無筋, 正呀!!!

其實食完呢兩個main dish 已經好飽喇, 不過, 為O左今晚有個完美O既結束, 一於order 埋甜品啦~~~

今餐真係食到好飽呀!!!!而且都有d surprise, 可能之前預o左麻麻地, 結果又唔係想像中咁差, 仲好好味o添!!!!