我唔明白, 我真係好唔明白.......

話說, 尋日約o左我所剩無幾o既朋友一齊慶祝生日啦.

地點就梗係去生日o既朋友A 屋企慶祝. 尋日下晝1點鐘多d, 就收到主人家o既sms, 話明4時入席, 去club house 食飯的話, 就6時入席, 外賣的話, 就幾時都入得席啦.

咁好啦, 收到朋友B o既電話, 大家夾時間出現, 朋友B就話佢地一家大約5點幾到啦. 咁我心目中都預5點到啦.



今次地點近, 我由屋企出發, 20分鐘就去到. 一上到去, 嘩, 又係我第一個到喎 !!!!咁好啦, 同朋友A 傾一陣計, 都仲未見朋友B, 咁打俾佢, check 下佢地一家幾時到啦. 竟然佢地只係o岩o岩出車, 不過, 算, 起碼佢話5點幾到, finally 佢地一家3口都真係5點幾到達, 只不過係5點幾到差唔多6點啦.

咁好喇, 到要追查下朋友D佢地一家啦. 朋友B話可以車埋佢地, 叫佢地如果OK就即刻call 佢地啦. 咁我打俾朋友D, 佢老公接電話, 佢地仲o向屋企呀!!!!我就轉述俾佢地知, 如果要坐順風車就即刻搵朋友B啦.

好喇, 到o左朋友B一家3口都到達喇. 再打俾朋友D 睇下佢地去到邊啦, 因為已經6點幾, book o左枱食飯嘛, 要準時去拎枱啦.

我真係忍無可忍喇!!!竟然話, 佢地依家先出門口, 仲答我話去坐地鐵喎.....大佬呀, 約o左人遲到, o向電話度無交代原因, 都仲唔飛的o黎喎. 又唔係無錢撘的士, 遲o左咁多, 好應該坐的士o黎啦....

我真係好慶, 明知約o左人, 就唔可以遲咁多啦, 唔得閒o既, 就一早出聲啦. 一直電話都無個喎.....
o黎到喇, 就問佢地點解會咁遲啦. 我覺得佢地個 excuse 仲更加唔可以原諒呀!!!話要同阿B沖涼, 餵奶, 餵粥仔喎.....呢d o野係never ending o架嘛. 既然約o左人, 點解唔一早做好晒呢!!!有BB 係唔係就大晒先!!!!

我其他朋友都有BB 啦, 人地咪一樣可以準時到啦!!!如果要遲到, 點解唔一早講定俾其他人知呢!!!!

另外, 既然佢地要o向屋企搞咁多o野, 問佢地地點o既時候, 有suggest 過話不如上去佢地屋企o架, 方便佢地, 又係佢地自己應承o既.....

可能, 有人會話我因為無小朋友, 唔明有小朋友o既難處, 但係, 都無理由咁離譜囉!!!唔係一次係咁, 次次都係咁遲到!!!

從前係我最好o既朋友, 但係, 我真係覺得我容忍唔到喇!!!!

講真, 如果唔係我無晒其他朋友, 我真係會同佢地絕交啦.

另一方面, 呢幾個朋友, 從來都唔會閒時打o黎同我傾下近況, 咁究竟我地仲係唔係朋友呢? 我對朋友o既defintion 好緊o架. 從來唔會搵我, 關心我o既, 我都唔會認為佢地係朋友. 所以, 我對佢地已經好灰心...