2009星星之旅 - 新加坡自由行Day2

中峇魯熟食中心 --> Singapore Botanic Garden --> Orchard Road(Wisma Atria, Ngee Ann City) --> 無招牌胡椒蟹 --> 榴槤街

尋晚比平時早o訓, 今日又俾平日返工遲起身o架啦, 今朝一早起身都依然好眼o訓, 又周身骨痛.......好在捱埋今晚, 聽日轉酒店咋.....好期待..

由於我地o既package 酒店唔包早餐, 於是我地就去酒店附近o架中峇魯熟食中心食早餐....
呢度地方都幾闊落, 又通爽.....當然又係好似我地o既大排檔咁啦, 不過, 新加坡都有好多人識講廣東話o架, 買o野食都唔駛講國語/英文, 非常方便!!!

(呢d 就係我地o既早餐喇!!)

2009星星之旅 - 新加坡自由行Day 1

香港機場出發 --> 新加坡樟宜機場 --> 華星酒店 --> My Dream Wedding --> Singapore Flyer 摩天輪 --> 老巴剎沙爹街

琴晚編行程同執行李搞到3點先o訓, 今朝一早6點就要起身喇!!!!!好眼o訓呢~~~

今次係我地兩個第一次去熱帶地方旅行, 唔駛帶咁多厚衫, 大褸, 加上o岩o岩買o左個大o急, 所以, 今次我地兩個人只係帶一個o急就夠lu, 再加上一人一個hand-carry, 就可以輕輕鬆鬆出發lu!!!

邂逅滾冬冬與小MoMo

今晚放工, 約o左小倫同埋佢d 同事一齊去維景碌Ling 呀.....

所以, 一放工就趕去調景嶺啦....

打算, o向開波之前, 去睇下new born o既花師奶o既小寶寶 -- MoMo 呀...想見到佢好耐喇, 今晚終於有機會喇.....

點知, 我地去到o既時候, 小momo o訓緊覺呀, 於是, 我地就同埋小倫o既同事先去大快活食dinner 先啦.....

輕輕鬆鬆上training

唔記得有幾耐無去過training cetnre 上course 喇...

唔想去上o既主要原因係唔得閒, 日日都咁鬼多o野做, 點行得開丫, 到有時間可以去上, d course 又full 晒, 另外, course o既內容又無聊, 最憎就係上o個d 什麼work efficiently / leadership training 等等.

三餸一湯

今晚,  趁住我同小倫都可以早少少返屋企, 於是就煮多一個餸啦......

最近, 因為工作忙碌, 已經好耐無試過煮一餐似樣少少o既飯喇, 通常只係簡簡單單煮少少o野, 夠食就算.

今晚一於買d 新鮮游水蝦返o黎整蒜蓉蝦啦........

小倫好有心機o架, 逐隻蝦挑腸, 之後再將d 蒜蓉釀入d 蝦入面, 入味d 呀!!!

另外煮多兩個餸, 香茅雞翼同蠔油生菜. 咁我連聽日o既lunch 都有著落啦.....Yeah, 有飯帶, 慳返一餐!!!貪得意, 去jusco 買多個酸辣湯返o黎, 唔駛自己滾湯, 三餸一湯, 好輕易就搞掂lu...