呂宅喬遷之喜 暨 拍拖週年及求婚週年紀念

琴晚玩到凌晨四點先返到屋企, 所以今朝o向無人騷擾之下, 我地可以放任地大o訓特o訓....

但係, o訓到差唔多十二點, 小倫電話響喎, 邊個呢? 原來係一早set o既alert, 今日要去做螞蟻呀!!!大鑊!!!!

即刻打俾阿餅同阿miu 問下情況先....佢地已經搬得七七八八喇....唔好理咁多, 我地以9秒9 o既速度執返個樣, 出發去荃灣!!!!

去到荃灣, 佢地已經放飯喇. 我地就去樂悠居樓下o既皇潮滙食lunch, 飲飽食醉之後, 大家繼續開工!!!!

小倫同林哥哥負責幫阿餅佢地砌返好個大衣櫃, 其他人就返過去H-Cube 繼續執埋d 林沈o野. 我就負責幫頭幫尾, 做d無乜建議性o既o野.所謂人多好辦事, 唔駛幾耐, 已經砌好個大櫃, 其他o野又已經由H-cube 搬晒過o黎新呂宅喇!!!!

講下間屋先.....論價錢, 呢邊樂悠居只係俾H-Cube 貴一百蚊. 論實用性, 我地覺得樂悠居呢邊好好多, 起碼無o左個呂字房, 有返似樣正常o既兩房. 主人房好大, 放o左個大衣櫃同床之外, 仲有好多位剩. 另外o個間書房暨雜物房亦都好闊落, 放得落一張單人床, 書枱同埋衣櫃. 至於toilet 同kitchen就兩邊都差唔多啦. 不過, 係個廳較H-Cube 細少少囉......

搞掂之後, 我地去Citywalk 下行, 話晒今日都叫做拍拖週年, 係咁易都要行下街啦. 其實, 我地都只係行下必到o既Franc Franc 同Uniqlo. Uniqlo 無o野睇中, 反而o向Franc Franc 就睇乜都鍾意, 最後, 我地買o左對我鍾意o左好耐, 但又唔捨得買o既杯, 作為我地o既拍拖暨求婚週年紀念禮物喇!
夜晚,我地返屋企煮牛扒慶祝喇!!!!

就係咁, 平平淡淡地過o左我地o既週年紀念lu......

怪誕隨意門

經過琴日咁勤奮玩煲湯, 今日決定休息下, 悠悠閒閒o向屋企hea 下!!!!

小倫負責煲菊花菜, 我就睇碟......

今日睇一套3D 動畫, 當然, 我無咁天真, 睇o個d o岩小朋友睇o既可愛卡通啦....

第一次煲湯 -- 響螺花膠煲湯

今日, 小倫short week, o訓醒後, 睇o左一齣感人電影 -- "地久天長"之後, 去o左大埔墟食美味盅頭排骨飯, 跟住就去o左大埔墟街市入貨呀!!!因為屋企o既凍肉已經食晒好耐......買買下, 兩個人就無聊話反正今日無乜特別o野做, 不如試下煲湯啦...

煲乜好呢????揀飲擇食o既我, 肯飲o既湯來來去去都係o個兩款, 上次o向阿媽到又拎o左少少花膠返o黎, 不如就玩下煲花膠湯啦....

2009星星之旅 - 新加坡自由行Day 5

Fountain Food Terrace à Esplanade 濱海藝術中心 à Merlion Park魚尾獅 à Fullerton Hotel 浮爾頓酒店 à 尋找My Rice 的故事 à My Rice 變文東記 à 樟宜機場 à 8號風球的香港

今日o既行程係咁多日最free o既, 因為時間有限, 遠o既地方去唔到, 所以, 唯有安排一d sightseeing o既活動啦~~~

起身, tidyup 埋d 行李, 英明o既我地, 實在無後悔o向旅行之前, 斥資買個大o急, 好輕易咁將我地o既手信行裝放入o急, 完全唔需要擔心唔夠位放, 哈哈哈!!!!
由於我地request o左late check-out, 可以先出街玩, 玩完再返酒店check-out, 跟住先去機場就o岩o岩好喇!

2009星星之旅 - 新加坡自由行Day4

黃亞細肉骨茶 à 再遇林志源 à Vivo City à 聖淘沙 (Underwater World, Songs of the Sea) à 紐頓熟食中心 (Newton Circus Hawker Centre)

5-star hotel 果然舒服好多好多…..張床大到呢….成晚都唔會feel 到隔離有人, 真係爽喇!!!不過, 我都係鍾意上次去韓國住Marriot, 簡直係超正呀!!!

今日o既早餐係去老遠o既黃亞細肉骨茶, 好在一早做好資料搜集, 上網search 定佢o既位置咋, 如果唔係, 都唔會搵到間舖呀!

我地既然有EZ-Link, 當然會盡量利用佢啦, 所以今日我地又由City Hall 出發, 去Farrer Park (SG$0.78)! 搭到今日, 我地將EZ-Link 已經得返SG$3蚊喇, 所以一入閘就”必必”響, 要增值喇!!!如果唔增值, 即使仲有餘額都用唔到o架, 好似有d 搵苯…..