Meeting with ESD friends - 02 Aprll 2011

今日我地又約o左 Pingu 同運動人一齊食lunch, 因為下晝我地o個班ESD 朋友仔有聚會.

成日好想食烤肉, 但係食dinner 好多時都好難等位, 所以, 今次試下食lunch.

呢間伊呂波都幾好, set lunch 又唔貴, 一人一百蚊, 個set 又多o野食, 唔錯唔錯!!!

遲來的海角七號

早排, 小倫忽然對墾丁有興趣, 話不如有機會去下呢個地方喎.

講真, 我對台灣呢個地方無乜特別好感, (基本上, 我對所有講普通話o既地方都興趣不大) 雖然好多香港人都好鍾意去呢度旅行. 行夜市我o既興趣不大, 當地o既地道小食又唔o岩我食, 可能平時o向香港我都唔多會食街邊o野, 覺得唔乾淨呀! 加上, 我份人太老土, 唔鍾意試新o野. 台北只係好多年前去過一次咁大把.

既然小倫想去呢度, 都要做下資料搜集, 睇下有乜好玩啦. 於是, 提議不如租套"海角七號"睇下墾丁o既景啦. 未睇之前, 我完全唔知呢套戲講乜, 平時, 就算d 戲唔睇, 我都會睇下故事大綱同影評, 不過, 呢套我真係乜都唔知, 只知道呢套戲o向台灣好收得.所以, 好驚悶到嘔.

可惜,由於太多人租的緣故,隻碟好花, 所以, 睇完成套戲後發覺好似斷斷下咁, 有D 片段skip O左. 於是, 小倫行O左好多地方, 連信和都搵埋, 最後O向屋企樓下另一間up dup租碟舖買到隻碟返O黎. 我地可以由頭睇多一次. 結果, 睇O左幾多次都已經唔記得喇.

點解要睇咁多次, 因為我地需要一D 時間去睇清當中O既細節同埋消化當中O既內容.

最吸引我O既唔係當中講O既兩段愛情故事, 可能我太冷血, 我唔係覺得太感動. 遲了60年O既說話, 究竟仲有無意義呢? 如果老友子已經忘記O左日本老師, 依家無啦啦又俾返D 信佢, 又點喎. 阿嘉與友子之間O既故事,又發展得好離奇.

無無聊聊得獎呀!

今日唔駛開OT, 可以陪小倫出去領獎.

無啦啦, 領乜獎? 話說, 早幾個星期, 小倫O向facebook 發現學聯旅遊有個叫做"觸動一刻"O既比賽, 只要post 張去旅行時影O既相, 加個caption, 就得O架喇!!!

人日食"蠔"D!!!

雖然公司開始多O野做, 但係今晚一夠鐘放工我又執袋走人, 好衰!!!!事關今個星期係我小倫O既birthday week, 我要返去同佢慶祝呀!!!

自從O向法國旅行完返O黎, 我就愛上食法國蠔喇!!!!講真, 我以前係唔太鍾意食蠔O架, 一來覺得腥, 二來覺得D 桶蠔好核突, 本地流浮山D 受污染蠔就更加唔好預我, 最多只會買急凍廣島蠔食O架咋. 所以, 返到香港, 不時都上網search 下邊度有得訂法國蠔試. City Super 有得賣, 但係價錢貴, 差唔多成$40/隻喎, 買兩打就要成千蚊喇. 肉赤!

於是, 新年前就搵O左我一個中學同學訂蠔, 一於今日人日, 人人都生日, 買D 蠔返去奶奶屋企, 大家一齊慶祝人日兼幫小倫慶祝生日.

送虎迎兔賀新歲

今年農曆新年前, 唔知點解, 忙得好緊要, 屋企O既O野, 無時間去預備, 連執屋都無時間呀.

小倫年三十雖然有得早放工, 但係都乜都無用, 因為佢病O左, 又痾又嘔, 返到大埔睇醫生都要排長龍. 至於我, 唔好彩地無得放早, 又無得請假, 要6點先放工.

放工後, 返屋企接埋小倫就返去奶奶屋企團年喇, 因為小倫同敏敏都病, 所以, 食完飯就走lu, 無得出去行花市. 快快手封埋利是就瞓覺覺lu.....

一如以往, 年初一係最忙O既, 一早要先上去小倫婆婆屋企拜年兼食開年飯, 跟住又去小倫伯伯屋企, 最後再去探佢地O既舊街坊. 行完大運, 都已經3點幾lu, 於是我地去APM 食O既家傳滬曉食下午茶, 食飽飽就返大埔打麻雀, 發下新年財. 今年成績唔錯呀, 第一場就有得贏, 不過, 今年抽唔中老爺O既大利是lu. 只係得中獎.

經過尋日咁勞動, 年初二要休息下. 原本媽咪同妹妹話上O黎我地屋企用我拜下年O既, 但係妹妹又出O左街, 所以整個下晝都係休息. 夜晚返去同媽咪食開年飯之後, 又趕返去同老爺, 敏敏發下新年財. 今晚O既戰績都唔錯O既.

年初三, 無啦啦俾阿媽叫O左我地陪佢返大澳趁熱鬧. 自從阿公死O左, 唔駛再年初三返大澳之後, 已經好多好多年無返喇. 嘩, 成個東涌都係人呀. 排隊坐巴士O既人多到嚇死你, 好彩, 最後俾我地好離奇地O向路中心截到兩部的士咋. 如果要排隊, 都唔知排兩個鐘上唔上到車呀! 今日有食神, 二舅父一早買定花尾龍疐俾我地食, 仲有新鮮鮑魚呀! 食飽飽之後, 我地仲O向四舅父檔頭拎O左D 龍疐腩同石斑出O黎, 做手信!!!!哈哈哈!!!結果, 唔知係唔係食得太多O野, 夜晚我個胃就投訴喇, 成晚都好唔舒服, 一早就走O左去瞓.

年初四, 因為胃痛, 所以我全日都係瞓O向張床上, 唔曉郁, 又食唔到O野, 餓到個肚仔扁晒. 小倫趁我瞓O左, 煲O左粥仔俾我食, 瞓醒之後個人好DD, 可以食到一碗粥. 夜晚拖O左半條人命返去奶奶屋企, 小倫整尋晚D 魚魚俾老爺食, 好寸, 人地整砂窩魚頭煲係買大魚頭,我地拎個石斑頭O黎做, 食到老爺咀lam lam!!!!睇佢地食完飯, 因為我真係食唔落, 想嘔又嘔唔出, 我地就返屋企LU. 終於頂唔順, 唔想聽日唔返工, 食O左小倫之前睇醫生O既胃藥, 好似好少少, 所以,又一早瞓覺LU.

估唔到, 兔年開始, 我地兩公婆都要病住過, 希望今年大家都順順利利, 身體健康啦!!!