遲來的海角七號

早排, 小倫忽然對墾丁有興趣, 話不如有機會去下呢個地方喎.

講真, 我對台灣呢個地方無乜特別好感, (基本上, 我對所有講普通話o既地方都興趣不大) 雖然好多香港人都好鍾意去呢度旅行. 行夜市我o既興趣不大, 當地o既地道小食又唔o岩我食, 可能平時o向香港我都唔多會食街邊o野, 覺得唔乾淨呀! 加上, 我份人太老土, 唔鍾意試新o野. 台北只係好多年前去過一次咁大把.

既然小倫想去呢度, 都要做下資料搜集, 睇下有乜好玩啦. 於是, 提議不如租套"海角七號"睇下墾丁o既景啦. 未睇之前, 我完全唔知呢套戲講乜, 平時, 就算d 戲唔睇, 我都會睇下故事大綱同影評, 不過, 呢套我真係乜都唔知, 只知道呢套戲o向台灣好收得.所以, 好驚悶到嘔.

可惜,由於太多人租的緣故,隻碟好花, 所以, 睇完成套戲後發覺好似斷斷下咁, 有D 片段skip O左. 於是, 小倫行O左好多地方, 連信和都搵埋, 最後O向屋企樓下另一間up dup租碟舖買到隻碟返O黎. 我地可以由頭睇多一次. 結果, 睇O左幾多次都已經唔記得喇.

點解要睇咁多次, 因為我地需要一D 時間去睇清當中O既細節同埋消化當中O既內容.

最吸引我O既唔係當中講O既兩段愛情故事, 可能我太冷血, 我唔係覺得太感動. 遲了60年O既說話, 究竟仲有無意義呢? 如果老友子已經忘記O左日本老師, 依家無啦啦又俾返D 信佢, 又點喎. 阿嘉與友子之間O既故事,又發展得好離奇.


反而當中O既配樂同歌曲我都覺得好好聽.  呢幾日我都不停上youtube 聽返套戲入面O既歌. 最後一集o向沙灘開演唱會, 拍得真係好有feel, 好似真正O既演唱會咁.

另外, 故事發生係比較鄉下O既地方, 充滿當地文化特色, 仔細去睇, 會更加了解.

故事當中, 每個人都有自己O既性格, 自己O既故事, 所以, 令到內容好豐富, 唔單純的只講愛情咁悶. 加上, 每個演員都做得好出色, 茂伯呢個老人家好爆笑, 阿嘉O既後父亦都做得好好, 好能夠表達佢好愛自己O既地方, 好渴望D年青人返O黎鄉下O既生活. 可能正因為唔係單獨講緊某一兩個人O既事, 所以令到好多人都有並鳴, 因此可以有咁多人睇.

成套戲我覺得唔好O既地方, 就係男女主角喇. 佢地O既演技真係好麻麻地. 女主角講對白發音唔準唔緊要, 但係佢表達唔到感情. 男主角好少少啦, 起碼佢唱歌O既時候, 可能佢做佢熟悉O既事, 所以表現會好少少. 細心D 聽下佢唱歌, 其實都真係唱得幾好O既, 把聲好聽. 套戲一開頭講阿嘉由台北返恒春O既時候, 背景音樂O個首英文歌開頭我仲以為係外國歌O添, 不過, 聽真D, 又會發覺其實佢咬字唔多正. : P

睇完成套戲, 覺得唔夠喉O既竟然係個環境呀!!!!小倫話, 死火, 我地係唔係應該租埋我在墾丁天氣晴O黎睇呢????哈哈哈