新"煮"意 - 避風塘炒蟹

早排一直都好忙, 又攰, 大大話話都有差唔多兩個月無煮過飯喇!

終於今個星期無約人, 又有d 精神, 一於等小倫放工, 一齊行下街市, 買餸煮飯仔啦...

嘩, 發生乜事呀, 今日d 海鮮平o左咁多o既......

於是, 我地決定今晚煮下新菜式 -- 避風塘炒蟹


首先, 去揀o左靚蟹先. 今次我地揀o左好肉地o既澳洲蟹.

再去買埋配料, 即係蒜頭, 薑, 辣椒, 搞掂!!另外, 再買舊豬骨同白胡椒, 煲胡椒豬骨湯.

返到屋企, 我同小倫就分工合作, 佢負責切好d 配料, 我負責煲湯.

一切預備好, 就可以開工炒蟹喇!!!!

登, 登, 登,櫈!!!!美味o既避風塘炒蟹就完成喇!!!

味道唔錯. 不過都係嫌唔夠大排檔o既香脆, 可能始終住家整, 火力唔夠.

食完蟹都已經飽o左8成喇, 之後再食埋胡椒湯同食荔枝, 聽日唔知會唔會喉嚨痛o添....

寒底人最o岩飲o既胡椒豬骨湯: