暫時, 我地會去16日. 基於我超級唔鍾意join 旅行團遊歐洲, 即係o個d 10天8國遊, 因為都唔會有機會真正feel 下當地o既文化.
目的地方面, 鐵膽一定係英國!!!!因為我係一個英國迷, 好多香港人都係日本迷, 但係我就相反, 好鍾意英國呢個地方, 可能同我10年前第一次自由行就係去英國有關啦.....
另一個目的地, 應該都會去法國o既Paris 同埋Mont St. Michel, 原本只係諗住去下Paris 朝聖, 揀Paris o既原因係Paris 彷彿所有去過歐洲o既人都會去o既地方, 加上同London 近, 同埋, 可以去扮下水貨客, 買LV丫嘛!!!!!(希望到時有錢買啦!!
)至於, Mont St. Michel, 呢幾日上網睇o左好多人o既blog, 見到佢地去到呢個地方, 覺得好特別, 同埋好靚, 仲要係世界文化遺產, 好似好值得去咁!!!! 不過, 呢個地方距離Paris 好遠, 而且交通又唔算方便, 要花多D 時間計劃下.....
除o左英國同法國, 究竟應該去乜o野地方好呢????瑞士, 德國, 意大利, 西班牙, 我地都無乜興趣咁. 意大利又多小偷, 消費又貴, 德國又好似好悶咁 (我對德國o既了解唔多, 除o左beers 同sauages, 就乜都唔知), 瑞士o既風景好靚, 不過, 我地又唔會買Rolex, 又唔會去行山, 又好似唔多o岩.....西班牙雖然有興趣, 但又好似遠o左少少, 而且我覺得呢個國家應該去7日o既.
最後, 我地決定o左去荷蘭, 呢個國家地方細細, 距離法國同英國又近....
就係咁, 我地o既歐洲之旅之夢就會o向呢三個國家發喇!!!
沒有留言:
張貼留言