走粉記

由於呢幾日都尚算勤力整包, 所以D 高筋粉用得好快呀. 星期六日行supermarket, 都買唔到我用開呢隻粉. 問過店員, 話未知船期幾時返貨, 灰.......

因為我阿姐佢都鍾意整麵包, 而佢又係用呢隻organic 粉, 所以叫佢幫我睇下佢屋企樓下, 奧海城間百佳會唔會有啦, 點知都係無貨.


今晚, 我同小倫去完法國探敏敏, 行過九龍城間豆腐潤咁大O既百佳, 入去搵到啦, 竟然, 皇天不負有心人, 俾我地搵到喎, 呵呵呵~~~~

於是, 唔理三七廿一, 一於買晒3包粉, 拎返大埔先 (因為全間舖只有3包), .....超on 居

聽日仲可以拎其中一包返去孝敬一下我阿姐O添....

好O野, 聽日又可以繼續開工!!!