馬灣沙灘初體驗

尋晚放工, 返o左去媽咪度, 陪晴晴玩o左一陣, 就應承佢, 如果佢今日唔駛返媽咪度, 我地就帶佢去街玩.

所以, 今日, 等埋小倫放工, 就返去媽咪屋企湊晴晴一齊去馬灣行下喇.



似乎晴晴第一次搭船, 上到船佢好興奮, 小倫索性幫佢除o左對鞋仔, 由得佢企o向張櫈上面, 睇下窗外面o既風景..

一落船, 首先我地去麥田園探下朋友先, 跟住就向沙灘進發喇....

晴晴從來未去過沙灘, 我地放低袋, 就陪佢o向岸邊踢下浪, 佢唔驚水, 就開始同佢玩下沙.....
o向沙灘走來走去, 佢話好好玩, 好開心呀!!!!

不過, 我唔記得幫佢帶多一套衫, 所以唔可以由得佢盡情咁玩, 驚玩潔晒條裙他冷病.
我地應承佢下次買埋沙灘鏟同兜, 再o黎過.
佢話今日玩得好開心呀!!!!真係好喇, 雖然好似好鬼無聊, 又要坐車, 天要坐船, o黎到只係玩得一陣, 不過只要佢開心就得喇.



之後, 我地坐巴士仕深井食燒鵝, 好彩我地o岩o岩7點去到, 未開始多人, 所以唔駛等位. 食到飽飽, 原先想唔食甜品就直接返大埔啦.

點知, 去到巴士站等車o既時候, 晴晴竟然話, 我地應承o左去甜品o架喎, 所以, 唯有飽飽都要去陪佢去食發記甜品啦.

唔知係唔係太耐無幫襯, 今晚再食, 又覺得發記甜品好味過滿記o添!!!!

食埋甜品就真係要返屋企喇, 雖然唔係玩o左好耐, 不過大家都好攰喇!!!!