白酒煮青口

基本上, 大部份o既海產我都好鍾意食, 而白酒煮青口就係其中一樣我好鍾意o既菜式.

成日行過一田supermarket 都見到有細細隻o既藍青口, 好想買o黎試下. 尋日反正煮西餐, 所以一於試下整.

其實過程好簡單, 只要將所有o野用"一鑊熟"o既方法, 就搞掂o架喇.



材料:

當然唔少得係藍青口啦...一田選擇比較少, 買唔到法國o既, 唯有買住加拿大o既先. 另外, 曾經試過Citysuper 有款係澳洲o既, 都好好味 !!買冰鮮青口返o黎, 處理好容易, 用水沖下, 我習慣會再用鹽水浸下.

另外配料有:
洋蔥1個切粒,
蒜蓉1湯匙,
乾蔥2粒切絲
Basil少少
牛油, 白酒 (100ml) 同埋忌廉 (75ml)

做法好簡單, 先用牛油起鑊, 炒香洋蔥粒, 乾蔥同埋蒜蓉, 跟住落埋d 青口 兜幾兜, 再加白酒, 聞到酒香再加埋忌廉, Basil, 蓋上蓋, 煮2-3分鐘, 就有得食喇......

賣相唔錯, 不過, 小倫嫌唔夠酒味, 話唔似我地舊年o向Paris 食o個d 咁喎!!!唉, 我都想我有咁o既本事整到人地咁好味呀!!!唯有下次再努力啦~~~