半安夜勁食打邊爐@FreeUnits & Friends

老闆今年皇恩浩蕩, 特別俾我地o向12月22號, 24號同31號, 3日當中揀兩日放3點半喎.......

殊不知, 我同team o既同事, 實在太nice 喇, 一個一早就mark o左23號, 24號同31號放假, 另一個就mark 28至31日放...咁o向揀無可揀之下, 佢地兩個就好梳乎咁可以22號放半日, 而我終於迫到阿姐俾我24號放半日啦......

可算係不幸中之大幸.....唔得, 出年年尾我要用同一招先得...




就係咁, 我可以早d 放工. 先去尖沙咀join 埋小倫, 拿拿臨去CitySuper買好今晚打邊爐o既蟹湯底同埋聖誕禮物, 跟住去BurgerKing 歎個lunch 先.....嘩, 唔知係因為我少o向呢個時候o向尖沙咀出現, 定係因為今日係平安夜呢, 間間名店都出現排長龍, 有無咁多人買名牌呀!!!!

食飽飽後, 小倫去尖東, 上一上個客度睇少少o野, 就同我一齊返大埔lu......

今晚, 我地約o左小花, 蘭子& Frankie, 阿羊同琪琪一齊上o黎打邊爐, 最衰阿餅同阿miu 又去o左北京旅行, 凌楓又出o左trip, 我地好耐無試過齊人開飯喇!!!!!

因為時間有限, 我同小倫以極速買晒大部份o既餸菜, 就飛的返屋企, 預備洗洗切切喇......

嘻嘻, 其實主要都係小倫負責洗, 我做少少o野咋.......

等埋阿羊同琪琪o黎到, 我地就正式開始喇!!!!

嘩, 今晚好多o野食呀!!!!

一定唔少得o既海鮮 : 象拔蚌, 花甲, 帶子, 脆肉鯇, 蟶子同貴妃蚌.....

各人至愛o既蟹柳, 芋絲, 鮮牛肉, 安格斯牛肉, 仲有一大堆丸.....

仲有配角: 牛柏葉, 豬紅, 生根, 豆腐同竹笙.....

加埋魚皮餃同調味料, 開飯喇!!!!!yummy!!!!
經過幾個鐘頭o既努力, 我地終於消滅o左9成o既食物呀!!!最後只係剩返少少丸咋.....
接住落o黎, 就到抽禮物o既時候喇!!!!
大家一齊o黎畫鬼腳啦.....

(細細地, 每人買一份$50 o既禮物)

抽到有d 亂o添.......第一份, 小花抽中Frankie o既禮物, 第二份, 到Frankie 抽中琪琪;
第三份, 阿羊中蘭子o既.....一睇就知, 蘭子o個份有d 古怪)

第四份, 蘭子中凌楓, 第五份, 凌楓中阿羊, 跟住到琪琪中我, 哈哈哈, 到我喇, 我抽到小花o個份, 好大份呢......最後到小倫中琪琪o個份.....)

咦.......點解小花出鏡率咁高o既???!!!

原本阿羊同琪琪仲買o左cheesecake 上o黎o架, 可惜大家實在太飽, 又趕住走, 無食到o添