2009 東亞運動會 -- 女子曲棍球 (Part V)

今朝, 同阿媽快快手食完早餐, 就趕住搭車上去King's Park 喇...

o黎到今日, 係女子曲棍球項目最後一日o既比賽, 第一埸係銅牌賽: 香港對日本; 第二場就係金牌賽: 中國對南韓.

首先, 我地要搵有關職員拎入場券呀!!!!因為今日已經無晒飛喇, 遲o左入場, 分分鐘都無位坐.....

好難得, 搵到3個位喇, 因為要預埋小倫呀! 佢專登早少少收工, 過o黎支持下妹妹同香港隊呀!!!




大部份o既觀眾, 都心知香港隊同日本隊o既實力太懸殊喇, 大家都以輸少當贏o既心態去支持香港隊啦....所以, 每當港隊有球員能夠去到日本隊o既龍門口, 已經大叫, 好興奮....

雖然, 最後賽果, 當然係日本隊拎到銅牌啦, 但係呢場比賽都好刺激, 大家都好落力打氣o架.....

中場過後, 就係金牌賽喇.....賽前, 大家都估中國隊應該會穩袋呢一面o既金牌啦, 估唔到, 最後竟然係南韓隊贏喎, 不過, 呢場比賽真係好精彩, 兩隊實力差唔多, 所以, 互有攻守, 好緊張呀!!!!

不過, 比賽完畢, 我地唔能夠睇埋頒發禮就要走喇, 因為小倫要趕返屋企睇足球金牌賽呀!!!!!

(o向球場上, 原本已經細粒o既妹妹, 比平時仲細粒)

 (最終, 港隊要慘敗14比0, 真真慘......完場時, 香港隊行埋觀眾席接受大家o既鼓勵!)

(小倫要兼職做妹妹o既棍童, 幫佢拎d hockey sticks 返屋企, 等佢聽日唔駛自己由酒店搬返屋企咁辛苦)