公司一年一度Christmas Buffet@Intercontinental HK

經過一番投票同擇日子, 我地部門今年o既Christmas buffet 決定提早11月就食喇....因為要避過12月進入聖誕高峰期o既加價, 同埋要夾下成個部門四十幾人o既放假schedule, 又要夾老闆們唔駛出trip o既日子....

今年, 罕有地揀o左o向九龍區食.....因為唔知邊個同事話洲際o既buffet 好味喎, 就係咁, 因一票之差, 我心水o既Marriott 就輸o左個馬鼻喇.......

為o左要六點半到達尖沙咀, 我地今日個個都快快手, 一夠鐘就即刻拎袋走....齊齊鬆人, 正!!!!
結果, 我地大房係最早一批去到洲際喇....




二話不說, 揀好坐邊, 就去拎o野食喇....

日式刺身款式唔夠多, 不過非常新鮮, 三文魚同帶子都好鮮甜......

竹笙翅都算唔錯, 但魚翅o既份量少, 嘻嘻, 不過, 我都飲o左三碗 :p

熱葷我覺得一般,北京填鴨好味, 但款式太小.....

凍蟹o既款式就多, 可惜, 拎龍蝦要排長龍, 食完一次, 無心機再排第二次.....

甜品保持一貫酒店水準囉, 意外地有法國甜品macaron, 呢個幾好, 起碼唔會好似正宗o既macaron 咁甜, 易入口好多.....

就係咁, 單論食物, 我覺得唔值5百幾6百蚊一個人, 但係, service 都算唔錯,一放低碟就有waiter 換碟,加上維港景, 令呢餐飯生色不少.....

食到差唔多九點多, d 同事陸續都走人lu...我都唔例外....