秋風起, 大閘蟹, 正正正!!!

原本, 我地plan o左今日去南生圍影相, 作為我地結婚一週年o既慶祝活動第一浪, 但係, 懶懶病o既發作, 加上又怕星期日會人多, 都係改期下星期先去啦.......

於是, 下晝無所事是, 我地兩個又o向書房打機之際, 有個大忙人未做完功課就撩我地去街喎.....於是, 我地梗係一口答應啦...叫佢做好功課, 可以出街就call 我啦...

反正都未confirm 有無街去, 不如就落街買材料整 cookies 啦...去到翠屏賣蛋糕材料o既公司, 想買低筋麵粉啦, 可惜, 賣晒, 要聽日先返貨, 唉..............仲想試下"懶" sweet 咁一齊整cookies o添...都唔成功...於是, 返上屋企繼續打機....

打打下, Pingu 終於打o黎話做好功課喇.....好快就決定今晚去沙田打邊爐啦.....Yeah...




我地今晚去稻香打邊爐兼食大閘蟹呀!!!每年得呢個時候可以一次過滿足我兩個願望呀!!!!
上次食過一次, 覺得稻香d 大閘蟹都幾靚呀, $38 一隻唔算貴....

點解我地四個人, 只係得3隻蟹???因為有人麻麻地鍾意食蟹, 所以佢望住我地食囉....哈哈哈

今次又order o左豬骨湯底, 不過, 始終同上次去骨煲皇o既差遠, 但係都算ok o既.....
今晚, 大家又傾下, 講下, 過o左一個愉快o既晚上喇....