人日食"蠔"D!!!

雖然公司開始多O野做, 但係今晚一夠鐘放工我又執袋走人, 好衰!!!!事關今個星期係我小倫O既birthday week, 我要返去同佢慶祝呀!!!

自從O向法國旅行完返O黎, 我就愛上食法國蠔喇!!!!講真, 我以前係唔太鍾意食蠔O架, 一來覺得腥, 二來覺得D 桶蠔好核突, 本地流浮山D 受污染蠔就更加唔好預我, 最多只會買急凍廣島蠔食O架咋. 所以, 返到香港, 不時都上網search 下邊度有得訂法國蠔試. City Super 有得賣, 但係價錢貴, 差唔多成$40/隻喎, 買兩打就要成千蚊喇. 肉赤!

於是, 新年前就搵O左我一個中學同學訂蠔, 一於今日人日, 人人都生日, 買D 蠔返去奶奶屋企, 大家一齊慶祝人日兼幫小倫慶祝生日.



放工, 自己一個去灣仔拎, 原先以為應該唔會好重, 因為上去O向法國買兩打生蠔外賣返酒店嘆都唔係好重O者, 但點今次就"奶"O野喇!!!重到嘔呀! 好彩我平時都慣做下D 搬搬抬抬O既O野, 都仲可以affordable, 當然, 小倫O向旺角地鐵站等我啦!

返到屋企喇, 拆開O黎睇下, 好興奮呀!

(成堆爛石咁!!)

(原來Fine de claire no. 1 大隻過上次食O既no. 2好多O架!!!! 排晒出O黎, 好壯觀!!)

全靠小倫同堅堅努力幫我地開蠔, 我地先可以安安樂樂一邊食美味生蠔, 一邊飲下酒咋!!!食食下, 我仲打電話叫埋媽咪O黎, 同大家一齊開心下!!!除O左生蠔, 我地仲有壽司同意大利粉, 好豐富呀!

好在, 食完之後, 大家都覺得D 蠔好好食, 好有海水味, 仲好食過平時O向酒店食buffet O個D 呀!!只要屋企人開心, 駛少少錢, 辛苦D 都無所謂啦!!!!