升職飯 - 韓燒@名家

上個月升職, 加人工O既幅度尚算滿意, 所以就話請小倫Daddy Mummy 食餐好O既.

因為成個12月都好忙, 所以, 終於等到今晚成家人去食番餐好O既....由於唔想次次都係O向屋企打邊爐, 又要買, 又要洗, 又要切, 因此, 今晚我地決定出街食. 一於就試下敏敏推介O既韓燒啦.

可惜, 今次book 唔到window seat,  無得一路食, 一路睇住維港景, 唯有下次早D book 枱啦.




先O黎無限添食O既美味前菜:

前菜除O左有平時一般有O既泡菜, 菜仔之外, 仲有南瓜粥, 柚子沙律, 咖哩魚蛋.
跟住, 我地叫O左少少熟食:

有海鮮香蔥餅 (&sauce), 石頭窩八爪魚飯, 牛肉炒粉絲!!!!

至於烤肉, 我地order O左 牛肋骨, 無骨牛肩肉, 鮮帶子, 辣椒醬五花腩, 同埋極品肉眼. 當中,我覺得最好味都係牛肋骨, 最有肉味!!!

最後, 仲有飯後生果同甜品, 即係清熱西瓜同冰凍柚子蜜.

今餐飯食得好開心, 除O左D食物好味之外, D services 仲好好O添, 個韓籍captain曉講廣東話, 仲好親切, 不停問我地駛唔駛refill 前菜!