妹妹流浪去了!!!

今日, 我請o左一日假, 一早起身, 先同媽咪, 妹妹去彩福飲茶! 我地食o左好多好多點心呀, 真滿足!!!

飲完茶, 行下街, 就返媽咪屋企休息下, 我就幫細佬 install 埋個anti-virus, 哈哈, 好在有小倫o向度遙遠控制我咋!

點解今日我會無啦啦放假? 因為妹妹今晚就要坐飛機去意大利喇!!

佢話暫時9個月後返香港喎!!!真係令人擔心呀!!!平時, 佢都唔多用腦去留意身邊o既事, 意大利o既治安又唔多好, 唉....都唔知佢點算...

所以, 呢排我除o左忙著預備自己去旅行o既事, 仲要忙著幫佢打點遠遊o既o野.....

我擔心佢都事少呀, 最唔捨得佢o既, 一定係媽媽啦. 雖然妹妹成日都唔痴家, 走o左去打hocky, 但係, 佢平時夜晚返屋企間中會陪媽媽瞓覺, 或者陪佢玩下.....妹妹走o左之前, 我要用更加o既時間去entertain 阿媽喇.....時間真係唔多夠用.

夜晚8點半, 妹妹就入閘踏上漫長o既旅程喇....希望佢能夠一切平安, 順利啦!!!!

妹妹就係咁, 帶埋佢o既細菌小妹出發了~~~