下午tea 一tea @蘭芳園

今日, 小倫long week, 媽咪又去o左大陸玩喎, 所以無人同我食早餐.

起身之後, 見有d 陽光, 就開機洗床單, 枕頭袋, 我真係乖喇!!!

做完家務, 就坐巴士出去尖沙咀join 小倫, 諗唔到食乜好, 又已經兩點幾, 一於就去重慶大廈地庫o既蘭芳園食喇......


雖然我o向中環返工咁多年, 但係一次都無去過蘭芳園o架, 日日lunch 都係得自己一個食, 邊有咁好心情去食丫.....lunch 求其買個lunch box 食就算lu...

難得o黎到, 梗係要試下出晒名o既奶茶啦, 真係好夠茶味, 又夠滑. 另外, 我同小倫分別叫o左一碟叉燒汁蔥油豬頸肉撈丁同蔥油雞扒撈丁. 好好味呀!!!!大食o既我地, 仲要叫多一塊奶油多先夠喉, 真係肥鬼死呀!!!

食飽我地就上去Canon 湊返支鏡頭, 又去showroom 玩下相機, 拎部7D 上手, d 快門聲真好聽.....

不過, 我係唔會受魔鬼o既引誘o既.....唔准換相機呀~~~~唔准換相機呀~~~~唔准換相機呀~~~~唔准換相機呀~~~~

行埋CitySuper 我地就返屋企lu.........