邂逅滾冬冬與小MoMo

今晚放工, 約o左小倫同埋佢d 同事一齊去維景碌Ling 呀.....

所以, 一放工就趕去調景嶺啦....

打算, o向開波之前, 去睇下new born o既花師奶o既小寶寶 -- MoMo 呀...想見到佢好耐喇, 今晚終於有機會喇.....

點知, 我地去到o既時候, 小momo o訓緊覺呀, 於是, 我地就同埋小倫o既同事先去大快活食dinner 先啦.....




Yeah!!!!終於有機會試下阿活o既滾冬冬火鍋喇......"滾冬冬" 顧名思義就係"冬"瓜湯底同埋"冬"蔭公湯底喇......

因為身邊o既朋友唔係個個都食到辣, 所以, 我雖然鍾意飲冬蔭公湯, 但係好少有機會有得飲, 於是, 今晚有大好o既機會, 我就可以試下喇.....

呢個set 唔算貴, 而且d 食材都算新鮮, 好過大 x 樂好多, 我叫o左一個肥牛拼黑豚肉, 再additionally 加多一個墨魚滑. 至於湯底呢, 有好重o既香茅味, 但係冬蔭公湯應有o既蝦味就唔係太濃喇, 不過, 以價錢o黎計, 可以接受啦.....希望下次再有機會食啦....

食到差唔多, 就收到花師奶o既電話, Momo 已經醒o左喇....要快快手些去先....

哈哈, Momo 同Daddy 好似樣呀!!!睇o左好耐都搵唔到有邊部份似mummy o既....

不過, 可能佢開始肚餓, 所以一抱佢, 就有少少扭計喇, 要交返俾工人姐姐抱佢lu.....

順手, 我地帶埋同Priscilla 夾份送俾Momo o既禮物俾佢呀, 希望佢鍾意啦.... 事關我同小倫揀o左好耐o架...

匆匆探完小Momo 之後, 就落去Club House 搵返小倫d 同事進行我地o既保齡球大賽喇....可惜, 因為疏於練習, 我o既表現實在慘不忍睹呀!!!!

碌完Ling 之後, 我地成班人就去o左將軍澳一家叫"聰嫂甜品" 食糖水, 聽聞呢間好似幾出名o架, 不過, 唔係我杯茶, 我覺得麻麻地咋, 或者因為我食慣o左大埔o既彩虹啦....