新朋友仔 - 謙謙小朋友生日會

今日一早起身, 同小倫食完牛腩米就要一個人搭車去北角參加最近新相識o既同事 -- Peggy o既仔仔 -- 謙謙o既生日會喇....

呢個小朋友今年一歲生日, 佢屋企人真係錫佢, 同佢開o左個生日party 呀!!!!

由於我好少去北角, 事前已經問定應該o向邊個地鐵站落車啦, 點知地鐵盲o既我, 成日以為Quarry Bay 等於炮台山, 結果落錯車, 搞到遲大到o添....




上到去Peggy 屋企, 先知道原來得我一個外人咋, 所以guests 都係佢地o既屋企人, 包括有女麻女麻, 婆婆公公, 姨婆一家, 兩位姑媽姑丈一家啦, 仲有舅父一家o添..搞到我都有少少尷尬呀!!!!
不過, 佢地成家人都好nice, 不停咁叫我食o野, 見佢地成家人有講有笑, 個個都咁錫呢個小朋友, 真係開心喇...

睇下個Birthday Cake 幾靚!!!係小主角o既姑媽特登order 俾佢o架!!!!!另外, 佢媽咪Peggy 好有心機咁預備o左一d 印o左謙謙個樣o既小禮物送俾我地每一個, 我抽到o既係一塊magnet 呀!!!!

呢個小朋友都幾好玩, 唔怕生補, 我一抱起佢, 佢就不停係咁跳, 無時停呀!!!!睇o黎佢好快就學識點行路lu.....

祝佢生日快樂 身體健康, 快高長大啦!!!!