一年一度企到腳仔軟o既股東會

今日又係一年一度o既股東會.

一返到公司, 就已經要進入作戰狀況啦....

明明我唔係floor manager, 唔知點解, 我要負責埋主場地o既物資安排囉....真係岩有此理呀!!!

早知, 我就扮晒懵啦, 好似其他人咁, 阿姐唔吩咐, 講到明, 就乜都唔理啦....

反正, 我努力與否, 結果都係一樣, 一樣都係咁唔公平o架啦...



總之, 我就愈做愈無引.....

今年有個新安排, 就係將往年o既兩個場地, 改為三個, d 人流分散o左, 場面無往年咁混亂, 不過, 我依然被安排做地方, 負責睇住地下註冊o既股東, 同埋安排佢地上去樓上各層o既開會場地....

好彩, 今年人數比預期少, 而且今日天氣都算好, 有d 風, 又少o左d 麻煩多問題o既股東, 所以今年o既工作都算順利呀!!!!

唔知點解, 我o向地下企o左咁耐, 開完會, 我都仲要上去主場地做執拾o既工作囉!!!!或者, 又係因為自己多事, 總係唔放心無人去執o野啦....

不過, 如果出年我都仲係呢間公司做, 我一定唔會再咁落力做囉......

無錯, 我依家係愈做愈hea....鬼叫我條氣唔順呀!!!可能其實係我自己多餘啦, 有幾多個人返工係會上心o架, 或者, 我根本唔需要為著工作咁著緊, 求求其其咪算囉~~~