唔知點解去睇樓喎

今日o訓醒之後, 約o左惜惜交收d 兄弟呔呀! 我仲有幸得見亨利一面, 呵呵呵....

之後, 同o左小倫出旺角四圍行, 行乜o野, 梗係行金舖啦....周大叔週年大減價嘛, 唔買都睇下啦...因為妹妹同細佬兩個見我之前唔見o左對鑽石耳環, 非常傷心, 就話夾份送對耳環俾我o黎換取佢地下半生o既自由同寧靜喎!!!



行o左幾間, 都有一對幾o岩心水又o岩budget o既, 雖然係佢地送, 但係我唔想佢地買咁貴俾我嘛, 我對鑽石有要求o架, 一定要揀, 所以只會睇d 碎石款, o既平時返工帶o既...但係, 買o野切忌心急, 所以都係行多兩間, 睇下先....

行完金舖, 我地join 埋Dave & Angel 一齊去西九玩睇樓呀!!

佢地兩個心郁郁想買樓嘛, 我地又八掛, 又想睇下最近成日話樓市慘淡, 一於去睇下有幾慘啦. 所以, 今日我地四條友仔玩睇樓喇.....時間關係, 我地只係睇o左昇悅居同泓景臺, 各睇2個唔同size o既單位. 哈, 原來咁得意o架喎, 心諗買樓梗係買高層好啦, 當睇到一間55/F o既, 感覺又唔同喎, 麻麻地咋. 反而, 有一間21/F o既景觀仲好呀!!!

不過,, 我地大家都覺得暫時都未係時候買樓, 等再睇下個經濟環境點先啦, 都未知究竟仲有幾多會跌.....

 原來睇樓都幾好玩o架喎!!!入到間屋不停咁諗d o野點放啦, o岩唔o岩自己啦.....