我地今日同業主正式簽租約同拎鎖匙喇!!!其實, 由頭到尾, 我地只係睇過兩個單位咋, 依家租呢個單係第三個, 我地只係望o左一眼, 無錯, 真係一眼咋, 就決定租o左喇!!!我地睇怕都係全港最唔奄尖o既租客喇, 無check 過任何o野就決定, 前後都唔夠5分鐘!!!而且, 我地無同業主bargain 過租金, 佢話幾多就幾多啦, 因為業主都就我地唔少 , 又幫我地重新油過油 . 雖然係幾貴租, 但係, 我地都好鍾意個單位呀, 交通方便, 又近屋企, 樓下又有百佳, 不同o既食肆, 就算打八號風球都唔會餓死o架!!!哈哈
搞好手續之後, 個agent 同業主兩公婆走先, 我地兩個開始認真睇下間屋, 度下尺喇!!! 因為係已經包o左傢俬, 其實只要做埋curtain 同床褥電視, 雪櫃就住得, 不過, 我都唔鍾意人地張梳化同餐枱, 所以就要買過新o既!!!
簡單抺過地下之後, 我地就先去百佳買少少清潔用品返上新屋, 跟住就出去深水埗同沙田IKEA 買o野同睇梳化..
俾大家睇下我地間新居先:
客廳: 叫做ok 闊o架,可以放到3座位梳化
沒有留言:
張貼留言